QR Densaýlyq saqtaý ministrliginiń Almaty qalalyq Qoǵamdyq densaýlyq saqtaý ulttyq ortalyǵyna qarasty «Sanitariia-epidemiologiia saraptama jáne monitoring ǵylymi-praktikalyq ortalyǵy» filialynyń infektsiialyq jáne parazittik aýrýlar basqarmasynyń basshysy Manar Smaǵul karantindi uzartý týraly sheshimge qatysty óz pikirin bildirdi, dep habarlaidy QazAqparat.
«Búgingi tańda koronavirýs infektsiiasyna qarsy naqty aldyn alý sharasy joq (vaktsinatsiia siiaqty), sondyqtan barlyq aldyn alý sharalary taralý mehanizmin buzýǵa baǵyttalýy kerek. Karantinniń negizgi maqsaty – infektsiianyń taralýyn boldyrmaý. Infektsiia aýa tamshylary arqyly, iaǵni adam jótelgende, túshkirgende nemese sóilegende beriletindikten infektsiiany taratýshy da adam», - dedi Manar Smaǵul telefon arqyly «QazAqparat» tilshisine.
Onyń aitýynsha, bizdiń ainalamyzda naýqastanǵan adam paida bolsa, jalǵyz mehanizm – qarapaiym aldyn alý erejelerin saqtaý.
«Iaǵni, áleýmettik qashyqtyqty saqtaý jáne maska taǵý. Sharalardyń taǵy biri – karantin. Bailanysqan adamdardy oqshaýlaý qajet. Sebebi indetti taratýy múmkin eń qaýipti top – naýqaspen bailanysta bolǵandar», - dep atap ótti spiker.
«Koronavirýs órship ketken jaǵdaida infektsiianyń taralýynyń aldyn alatyn jalǵyz shara – karantin. Ol infektsiianyń adamnan adamǵa berilmeýine kómektesedi», - dep tolyqtyrdy M.Smaǵul.
