Foto: doctorkan.ru
Almaty oblysynda tegin meditsinalyq kómektiń kepildik berilgen kólemi aiasynda kórsetilýi tiis stomatologiialyq qyzmetterge qatysty iri alaiaqtyq deregi áshkerelendi, dep habarlaidy Ult.kz.
Qarjy monitoringi agenttiginiń Almaty oblysy boiynsha departamenti jeke stomatologiialyq klinikalar direktorynyń áreketine qatysty tergep-tekserýdi aiaqtaǵanyn habarlady. Tergeý málimetinshe, ol Áleýmettik meditsinalyq saqtandyrý qorymen jalpy somasy 450 mln teńgeden asatyn meditsinalyq qyzmetterdi satyp alý týraly kelisimshart jasaǵan.
Kelisimge sáikes klinikalar mindetti áleýmettik meditsinalyq saqtandyrý júiesi aiasynda azamattarǵa shuǵyl jáne josparly stomatologiialyq kómek kórsetýi tiis bolǵan. Alaida kúdikti meditsinalyq aqparattyq «Damumed» júiesine patsientterge ortodontiialyq qyzmet kórsetilgeni týraly jalǵan málimetter engizýdi uiymdastyrǵan. Naqtysynda bul qyzmetter kórsetilmegen.
Tergeý barysynda kúdiktiniń dárigerlerdiń eseptik jazbalaryn jáne klinikaǵa buryn júgingen kámeletke tolmaǵan patsientterdiń jeke derekterin ruqsatsyz paidalanǵany anyqtalǵan. Sonyń nátijesinde ortodontiialyq kómek kórsetildi dep tirkelgen 4 597 jalǵan jaǵdai anyqtaldy.
Memleketke keltirilgen shyǵyn 66 mln teńgeni qurady. Sot sanktsiiasymen kúdiktiniń banktik shottaryndaǵy 23 mln teńge qarajatqa jáne 29 mln teńge turatyn stomatologiialyq jabdyqtarǵa tyiym salyndy. Tergeý barysynda ol 11 mln teńge kólemindegi zalaldy ótegen.
Qazirgi ýaqytta kúdiktige qatysty úiqamaq túrindegi bultartpaý sharasy tańdaldy.
Buǵan deiin agenttik jalǵan stomatologiialyq klinikalar arqyly BJZQ-dan 46 mlrd teńgeni zańsyz shyǵarýǵa qatysty shemalardy uiymdastyrdy degen kúdikpen bir klinika iesin ustaǵany da habarlanǵan.
