QR aýmaǵynda koronavirýs infektsiiacynyń taralýyna jol bermeý jónindegi vedomstvoaralyq komissiianyń (VAK) otyrysynda Nur-Sultan qalasynda karantindi kúsheitý jónindegi usynys qoldaý tapty.
Atap aitqanda, senbi jáne jeksenbi kúnderi jumys isteýge tyiym sala otyryp, jumys kúnderi saǵat 17:00-ge deiin azyq-túlik emes taýarlardy satatyn saýda oiyn-saýyq ortalyqtarynyń, saýda ortalyqtarynyń, saýda jelileriniń jumys rejimin shekteý (osy obektilerde COVID-19-ǵa qarsy jappai vaktsinalaý pýnktteriniń ornalasýyna qaramastan);
senbi jáne jeksenbi kúnderi jumys isteýge tyiym sala otyryp, saǵat 7.00-20.00 aralyǵynda ǵimarat ishindegi qoǵamdyq tamaqtaný obektileriniń (meiramhanalar, dámhanalar, barlar, ashanalar) jumysyn shekteý, ashyq aýada saǵat 7.00-22.00 aralyǵynda shekteý («Ashyq» jobasyna qatysatyn obektilerdi qospaǵanda»);
jabyq azyq-túliktik emes bazarlardyń jumysyn demalys kúnderi jumys isteýge tyiym sala otyryp, saǵat 10.00-den 20.00-ge deiin shekteý (osy obektilerde COVID-19-ǵa qarsy jappai vaktsinalaý pýnktteriniń ornalasýyna qaramastan); sanitarlyq talaptardy saqtai otyryp, 100 adamnan assa, ashyq aýada jappai is-sharalar ótkizýge tyiym salý (dini, sporttyq jáne t.b.)
Sonymen qatar E. Toǵjanov ortalyq memlekettik organdarǵa, ákimdikterge shtammnyń joǵary kontagiozdylyǵyn eskere otyryp, «Delta» shtamynyń taralýynyń aldyn alý boiynsha barlyq sharalardy qabyldaýdy tapsyrdy.
Eske salsaq, elordada koronavirýstyń úndi shtammy anyqtaldy.
