Pfizer amerikalyq farmatsevtika kompaniiasy BUU qoldaýymen Jenevadaǵy dári-dármek patenttik pýlymen COVID-19-ǵa qarsy tabletka shyǵarý týraly kelisimge qol qoidy, dep habarlaidy QazAqparat Euronews-ke silteme jasap.
Seisenbide jariialanǵan málimdemede bul preparatty óndirýge litsenziia berý ony álem halqynyń 53%-y turatyn 95 elde shyǵarýǵa múmkindik beretini kórsetilgen. Resei Pfizer kompaniiasyna 90 eriktige klinikalyq synaqtar júrgizýge ruqsat berdi, dep habarlady Dári-dármekterdiń memlekettik tiziliminde.«Bastapqyda biz bul dári-dármekti tek qaýip tobynda turǵan adamdar úshin qoldaný kerek dep oilaimyz. Maqsaty –olardyń aýrýhanaǵa túsýine jáne aýrýdyń aýyr ótýine jol bermeý. Sondyqtan preparatty alǵashqy belgiler paida bolǵannan keiin birden qabyldaý kerek», - dedi Patenttik pýl ókili Erve Verhýsel.
Niderland turǵyndarynyń kópshiligi sanitarlyq ruqsatnamalar tek aýyryp shyqqan nemese vaktsinatsiiadan ótken adamdarǵa beriletin júieni engizýdi qoldaidy. Mundai derekterdi seisenbi kúni niderlandtyq BAQ I & O Research kompaniiasynyń zertteýine silteme jasai otyryp usyndy. Qoǵamdyq densaýlyq saqtaý institýty bir apta ishinde oń nátije kórsetken testilerdiń sany 44%-ǵa artqanyn, bul pandemiia bastalǵannan bergi eń joǵary kórsetkish ekenin aitty. Koronavirýs juqtyrǵan naýqastardy aýrýhanaǵa jatqyzý sany 12%-ǵa ósti.
Horvatiiada memlekettik mekemelerge baratyndardyń barlyǵy endi sanitarlyq ruqsatnamalaryn kórsetýi tiis. Osy ýaqytqa deiin bul talap tek densaýlyq saqtaý jáne áleýmettik qamsyzdandyrý sala qyzmetkerleri úshin ǵana mindetti boldy.
Ýkrainada seisenbi kúni koronavirýstan bolǵan ólim sany jańa antirekord ornatty. Prezident Vladimir Zelenskii jeltoqsannan bastap ekpe jasatqandardyń árqaisysyna 1000 griven (33 eýro) tóleýge ýáde berdi.
