QR Densaýlyq saqtaý ministrligi «COVID-19 baqylaý ortalyǵy» veb-qosymshasynyń jańartylǵan nusqasyn ázirleýge konkýrs jariialady, dep habarlaidy "Ult aqparat".
Baiqaýdy QR Densaýlyq saqtaý ministrligi Aziia Damý Banki (ADB) jáne «Astana Hub» IT-startaptar halyqaralyq tehnoparkiniń qoldaýymen jáne QR Tsifrlyq damý, innovatsiia jáne aeroǵarysh ónerkásibi ministrligimen birlesip júrgizedi.
Jeńimpazben 50 000 AQSh dollaryna deiin kelisimshart bekitiledi.
Astana Hub» tehnoparkiniń habarlaýynsha, Densaýlyq saqtaý ministrligi «COVID-19 baqylaý ortalyǵy» aqparattyq júiesin infektsiiaǵa ushyraǵan, qatynasqa túsken jáne koronavirýstyq infektsiiadan saýyǵyp ketken adamdar boiynsha derekterdi esepteý men baqylaý jumystaryn júrgizý úshin paidalanady.
Aýrý juqtyrǵandar sanynyń ósýine nátijeli túrde monitoring júrgizip, jedel sheshim qabyldaý úshin «COVID-19 baqylaý ortalyǵy» aqparattyq júiesine tolyqtyrýlar engizý uiǵarylǵan. Bul veb-baǵdarlama Open source App negizinde jasalǵan.
«COVID-19 baqylaý ortalyǵy» veb-qosymshasy jańa nusqasyn daiyndaý úshin 18 jastan asqan tulǵalar nemese 3 adamǵa deiingi komandalar qatysa alady. Ol úshin úmitkerge tómendegidei talap qoiylady.
- Python 3 bilý;
- Scalable veb qosymshalaryn ázirleýdegi tájiribe;
- Standartty DevOps quraldar jiyntyǵy (git, docker, CI/CD);
- Flask, FastAPI, Celery, Pandas, SQLAlchemy siiaqty baǵdarlamalarmen jumys tájiribesi;
- SQL bilý, Postgres-pen jumys isteý tájiribesi;
- HTML5, Native JS/JQuery bilý;
- Linux, Bash-pen jumys tájiribesi.
Barlyq suraqtar boiynsha rnd@astanahub.kz poshtasyna júginýge bolady. Ótinimder 24 maýsymnan 5 shildege deiin qabyldanady.
