9 maýsymda 1144 adamnyń analizinen koronavirýs anyqtaldy. Eki kún buryn taǵy 71 adamǵa koronavirýs pnevmoniiasyn diagnozy qoiylǵan. 8 maýsymda 15 adam ólimi tirkelgen: 13 adam - koronavirýstan, 2 adam koronavirýs pnevmoniiasynan kóz jumdy dep aitylady.
Sársenbi kúni Nur-Sultanda – 222, Qaraǵandy oblysynda – 160, Almatyda – 126, Aqmola oblysynda – 48, Almaty oblysynda – 64, Pavlodar oblysynda – 41, Batys Qazaqstan oblysynda 89 adamnan koronavirýs anyqtaldy. Shymkentte – 58, Atyraý oblysynda – 69, Shyǵys Qazaqstan oblysynda – 79, Jambyl oblysynda – 32, Aqtóbe oblysynda – 30, Qostanai oblysynda – 35, Qyzylorda oblysynda – 10, Mańǵystaý oblysynda – 45, Soltústik Qazaqstan oblysynda – 17, Túrkistan oblysynda 19 naýqas tirkelgen.
2020 jyldyń naýryz aiynan beri 397 976 adamnyń PTR testi oń shyqqan. Qazir 21 438 adam emdelip jatyr. 4124-i qaitys bolǵan.
Al 2020 jyldyń 1 tamyzynan beri koronavirýs pnevmoniiasyna shaldyqqandar 55 999 adamǵa jetti. 3400-i qaitys bolǵan. Qazir 1018-i emdelip jatyr.
Qazaqstan biligi koronavirýs pnevmoniiasyna shaldyqqandardy halyqaralyq uiymnyń qysymymen esepke ala bastaǵan. Biraq áli kúnge deiin koronavirýs pen koronavirýs pnevmoniiasy esebin biriktirmei keledi. Kórshi Qyrǵyzstan byltyr tamyz aiynan bastap pnevmoniianyń koronavirýsqa uqsas túrin Covid retinde eseptei bastaǵan.
Densaýlyq saqtaý ministrliginiń málimetinshe, qazir 516 naýqastyń jaǵdaiy aýyr, 113 naýqastyń jaǵdaiy óte aýyr, 78 naýqas jasandy tynys apparatyna qosylǵan.
10 maýsymda densaýlyq saqtaý ministri Aleksei Tsoi elde epidemiologiialyq ahýaldyń turaqtalǵanyn aitty. Sońǵy aptada koronavirýs juqtyrǵandar 11 myńnan 8 myńǵa deiin azaiǵan. Beisenbi kúngi málimet boiynsha, infektsiialyq aýrýhanadaǵy oryndardyń – 24 paiyzy, reanimatsiiadaǵy oryndardyń 21 paiyzy bos.
Qazir "qyzyl aimaqta" Nur-Sultan qalasy ǵana qalǵan. Batys Qazaqstan oblysy, Aqmola, Atyraý, Pavlodar, Qaraǵandy oblystary jáne Almaty qalasy "sary aimaqta". Qalǵany "jasyl aimaqta".
Sońǵy málimet boiynsha, 2 mln 371 myń adam koronavirýsqa qarsy vaktsinanyń keminde bir dozasyn alǵan. 1 mln 264 myńyna ekinshi dozasy da salynǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 174 mln 326 myń adamnan koronavirýs anyqtalǵan. 3 mln 755 myń adam qaitys bolǵan.
