Soltústik Qazaqstan oblysynda 93 jastaǵy eńbek ardageri ekpe pýnktine kelip, koronavirýsqa qarsy vaktsina aldy, dep habarlaidy "Ult aqparat".
SQO densaýlyq saqtaý basqarmasy baspasóz qyzmetiniń málimetinshe, Qyzyljar aýdany Peterfeld aýylynyń 93 jastaǵy turǵyny koronavirýs infektsiiasyna qarsy vaktsina aldy.
Ánýarbek Jaqypov 1928 jyly týǵan. Eńbek ardageri densaýlyǵyn oilap, ári basqalarǵa úlgi bolý úshin ekpe pýnktine ózi kelipti. Qariiaǵa «Hayat-Vax» vaktsinasy egildi.
«Aǵaiyndar, vaktsina alýdan qoryqpańyzdar. Densaýlyq – zor bailyq. Ýkoldan qorqýǵa bolmaidy. Kelińizder, egilińizder! Bala-shaǵamyz aman bolsyn», - deidi ekpe alǵan qariia.
Vaktsina alǵan Ánýarbek Jaqypov ózin jaqsy sezinetinin aitady.
Jalpy SQO-da vaktsinanyń 1-shi komponentin 90 816 adam alsa, tolyq vaktsinatsiiadan ótkenderdiń sany - 62431 adam.
