Foto: Getty Images Russia
Áleýmettik jeli men messendjerlerdegi jeke hat almasý «baqylaýǵa alynǵany» týraly aqparat shyndyqqa janaspaidy. Bul týraly Jalǵan aqparatqa qarsy is-qimyl ortalyǵy málimdedi, dep habarlaidy Ult.kz.
Ortalyqtyń habarlaýynsha, sońǵy kúnderi áleýmettik jelilerde Qazaqstan Respýblikasy Qarjylyq monitoring agenttigi barlyq paidalanýshylardy «jappai ańdýǵa kiristi» degen mazmunda negizsiz aqparat taraǵan.
Alaida is júzinde Agenttik usynǵan internettegi tyiym salynǵan kontenttiń taralýyna qarsy is-qimyl jónindegi Qaǵidalar tek ashyq ári jalpyǵa qoljetimdi derekterge ǵana qatysty. Atap aitqanda, qarjy piramidalaryn jarnamalaý, onlain-kazino men zańsyz lotereialardy nasihattaý siiaqty jariialanymdar men reposttar ǵana monitoringke alynady.
Qujatta azamattardyń jeke hat almasýyn baqylaý týraly eshqandai norma joq. Muny Qarjylyq monitoring agenttigi buǵan deiin de birneshe ret resmi túrde túsindirgen.
– Jeke habarlamalardy «baqylaý» týraly málimdemeler shyndyqqa janaspaidy jáne qoǵamdy ádeii jańylystyrý bolyp tabylady, – delingen resmi habarlamada.
Ortalyq BAQ ókilderi men tsifrlyq kontent avtorlaryn aqparatty jariialaýda jaýapkershilik tanytýǵa, faktilerdi burmalamaýǵa jáne azamattardyń shynaiy aqparat alý quqyǵyn qurmetteýge shaqyrdy.
