Foto: Kazinform.kz
Ulttyq quryltai tek talqylaý júrgizý ǵana emes, qoǵamnyń máselelerdi anyqtap, biliktiń olardy naqty zańdyq negizde sheshýine jáne iske asyrýyna múmkindik beretin mehanizm, deidi Ashat Aimaǵambetov. Bul týraly depýtat Telegram arnasynda jazdy, dep habarlaidy Ult.kz.
"Quryltaida kóterilgen taqyryptardyń basym bóligi áleýmettik saiasat, mádeniet jáne qoǵamdyq qundylyqtarǵa bailanysty bolǵandyqtan, salalyq komitettiń tóraǵasy retinde bul jumysqa tikelei qatystym. Sondyqtan senimdi túrde aita alamyn: Quryltai – naqty nátijelerge qol jetkizetin format", - dep jazdy Aimaǵambetov.
Depýtattyń aitýynsha, úshinshi quryltai qorytyndysy boiynsha 10 zań jobasy bastamashyl boldy, olardyń 9-y Prezidenttiń qol qoiýymen bekitildi. Bul zańdardyń basym bóligi bizdiń Komitet arqyly ótti.
Negizgi ózgerister:
1. Qumar oiyn biznesine shekteýler
✔ Qumar oiyn biznesin jarnamalaýǵa tyiym salý
✔ Memlekettik qyzmetshiler men qaryzdar adamdardyń (3,5 mln adam) qumar oiyndarǵa qatysýyna tyiym salý
✔ Litsenziialanbaǵan onlain-kazinolar men býkmekerlik keńselerdi buǵattaý
2. Eskertkishter men tabiǵi nysandardy qorǵaý
✔ Vandalizm úshin jazany qatańdatý
3. Ǵalymdar, injenerler, qurylysshylar jáne agrariiler úshin qurmetti ataqtar
✔ Marapattaý júiesin keńeitý
4. Áielder men balalardy qorǵaý
✔ Turmystyq zorlyq-zombylyq úshin qylmystyq jaýapkershilik engizý
✔ Pedofiliia úshin ómir boiy jaza belgileý
✔ Sýitsidke itermeleý men ony nasihattaýǵa qylmystyq jaýapkershilik engizý
✔ Aldyn alý sharalaryn kúsheitý
5. Batyrlardyń esimderin ulyqtaý
✔ «Aibyn» ordeni endi Saǵadat Nurmaǵambetov, Baýyrjan Momyshuly jáne Raqymjan Qoshqarbaev esimderin ielenedi
6. Onomastika erejelerin jańartý
✔ Barlyq qaita ataýlar endi ortalyq organnyń maquldaýymen júzege asyrylady
7. Aimaqtyq simvolikany retteý
✔ Biryńǵai memlekettik standarttar engizildi
8. Esirtki qylmysy úshin jazany qaita qaraý
✔ Esirtkini uiymdasqan túrde taratqandar úshin – ómir boiyna bas bostandyǵynan aiyrý
✔ Esirtki biznesin qoldaǵan laýazymdy tulǵalar úshin – ómir boiyna bas bostandyǵynan aiyrý
9. Arheologiia salasyndaǵy reforma ázirlenýde
✔ Litsenziialaý boiynsha jańa standarttardy engizý
✔ Zańsyz qazba jumystaryna qarsy sharalardy qatańdatý
➡ Zań jobasy 2025 jylǵy 29 qańtarda qaraýǵa qabyldandy
"Ulttyq quryltai – oqshaýlanǵan bastama emes, Prezidenttiń keń aýqymdy reformatorlyq saiasatynyń bir bóligi ekenin atap ótý mańyzdy. «Estitin memleket» jáne qoǵamdyq dialogty nyǵaitý kýrsy aiasynda Quryltai azamattardyń usynystaryn naqty zańdar men reformalarǵa ainaldyratyn quralǵa ainaldy", - deidi Ashat Aimaǵambetov.
