BUU Bas hatshysy Antoniý Gýterrish Aýǵanstan boiynsha Jenevada ótken kezdesýde álem elderin aldaǵy tórt aida islam respýblikasyna kómekke 606 mln AQSh dollaryn bólýge shaqyrady.
Bul týraly Kabýlǵa saparynyń qorytyndysy boiynsha seisenbi kúni ótken brifingide BUU bas hatshysynyń gýmanitarlyq máseleler jónindegi orynbasary Martin Griffits málim etti, dep habarlaidy TASS agenttigi.
«Bas hatshy dúisenbi kúni, 13 qyrkúiekte, Jenevada álem elderin tórt ailyq kezeńge 606 mln AQSh dollaryn bólýge shaqyryp, sóz sóileidi», - dedi Griffits.
Onyń aitýynsha, bul qarajat «Aýǵanstannyń qazirgi gýmanitarlyq qajettilikterin qanaǵattandyrýǵa», «azyq-túlik, dári-dármek, meditsinalyq qyzmetterdi», sondai-aq qyzmetkerlerdiń qaýipsizdigin qamtamasyz etýge jumsalady.
13 qyrkúiekte BUU Bas hatshysy Jenevada Aýǵanstanǵa gýmanitarlyq kómek kórsetý jónindegi ministrlik kezdesýin shaqyrady. Ol eldegi gýmanitarlyq operatsiiany qarjylandyrýdy ulǵaitýǵa, sondai-aq gýmanitarlyq qol jetimdiliktiń «tolyq jáne kedergisiz» bolýyn qamtamasyz etýge baǵyttalady.
