Býrkina-Faso soltústiginde qoldaryna qarý ustaǵan belgisiz bireýlerdiń shabýyly saldarynan politsiianyń jeti qyzmetkeri qaza taýyp, taǵy beseýi jaraqat aldy. Bul týraly el úkimetiniń senbi kúni jasaǵan málimdemesine silteme jasap Reuters agenttigi habarlady, dep jazady QazAqparat.
Agenttik málimetinshe, tártip saqshylary juma kúni tańerteń Sahel aimaǵy aýdandarynyń birinde qaýipsizdikti qamtamasyz etý missiiasyn oryndaý kezinde shabýylǵa ushyraǵan. Zardap shekken bes adamnyń jaǵdaiy týraly aqparat berilgen joq.
El biliginiń málimdemesine sáikes, tiisti organdar shabýyl jasaǵandardy izdeý jumystaryna kirisip ketti.
Sońǵy úsh jylda Býrkina-Faso Batys Afrikadaǵy islamshyl toptardyń lańkestik belsendiligin tanytqan oshaqqa ainaldy. Elde «Islam memleketi» lańkestik uiymynyń (Reseide tyiym salynǵan) qurylymy bolyp tabylatyn «Úlken Saharadaǵy islam memleketi» men «Ansar ýl-Islam» toptary áreket etýde. Osy ýqyt aralyǵynda lańkester qolynan 1 myńnan astam beibit turǵyn qaza tapty, taǵy 1,5 mln astam adam zorlyq-zombylyqqa shydamai, úilerin tastap ketýge májbúr boldy.
