Aqmola oblysynyń Býrabai kýrortynda «WELKOM BURABAI» jazýyn qiratqan júrgizýshi ákimshilik jaýapqa tartyldy, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, oqiǵa maýsymnyń 13-de keshki saǵat 20:40 shamasynda oryn alǵan. «Shkoda Sýper B» kóliginiń avtojoldyń 16 shaqyrymynda ainalma joldan óte bergende kóliktiń dóńgelegi jarylǵan. Saldarynan júrgizýshi kólikti basqara almai «WELKOM BURABAI» jarnamalyq jazýyna soǵylǵan.
«Jol-kólik oqiǵasy saldarynan zardap shekkender men qaza bolǵandar joq, avtokólikke tehnikalyq zaqym keldi. Al 1986 jylǵy júrgizýshige qatysty Ákimshilik quqyq buzýshylyq kodekstiń 610 babynyń 1-shi bóligi «kólik quraldary júrgizýshileriniń jol júrisi qaǵidalaryn adamdardyń densaýlyǵyna ziian keltirýge, kólik quraldarynyń nemese ózge de múliktiń búlinýine alyp kelgen buzýshylyǵy» boiynsha ákimshilik hattama toltyryldy», - dedi vedomstvodan.
