Shyǵys Qazaqstan oblysynyń ákimi Danial Ahmetov qurylysy bastalǵan Buqtyrmadaǵy kópirdiń kapsýlasyn salý saltanatty rásimine qatysty, dep habarlaidy "Ult aqparat".
Prezident Qasym-Jomart Toqaevtyń tapsyrmasyna sáikes Shyǵys Qazaqstan oblysy Kúrshim aýdanynda Buqtyrma sý qoimasy arqyly ótetin kópir qurylysy bastalǵan.
Eki jolaqty avtokólik kópiri Quiǵan aýylynyń janyndaǵy jasandy sý qoimasynyń eni eń jińishke ýchaskesinde salynady.
Kópirdiń uzyndyǵy 1,3 shaqyrymnan asady. Kúrshim men Kókpekti aýdandaryn jalǵaityn jobanyń merdigeri – «OblShyǵysJol» JShS.
Qurylys jumystary 2024 jylǵa deiin aiaqtalady dep josparlanýda.
«Buqtyrma sý qoimasy arqyly ótetin kópir qurylysy - oblys turǵyndary úshin kópten kútken mańyzdy oqiǵa. Osy joba shekaralas aýdandardy oblystyń basqa óńirlerimen bailanystyrady, jolaýshylar men júk tasymalyn jeńildetedi. Sondai-aq kópir shalǵaidaǵy eldi mekender halqynyń ómir súrý sapasyn jaqsartýǵa yqpal etip, oblys ekonomikasyn odan ári damytýǵa jańa múmkindikter ashady», - dedi Danial Ahmetov.
Saltanatty rásimde jurtshylyq atynan sóz alǵan Kúrshim aýdanynyń qurmetti azamaty, aqsaqaldar keńesiniń tóraǵasy Nursovet Qaiyrov qurylysshylarǵa tabys tilep, shalǵaidaǵy aýyl turǵyndarynyń máselesine nazar aýdarǵan el basshylyǵyna alǵys aitty.
«Táýelsizdik alǵan jyldary toqyrap turǵan barlyq salanyń boiyna birtindep qajyrly eńbekpen qan júgirtken Elbasymyz Nursultan Ábishuly «Sabyr túbi - sary altyn» ekenin únemi aityp keledi. Eń bastysy – beibit ómir súrý jáne óz halqyńnyń igiligi úshin qyzmet etý. Biz, Kúrshim aýdanynyń turǵyndary tózimdilik tanytyp, osy tarihi oqiǵanyń kýási bolyp otyrmyz. Halyqtyń muńyna qulaq túretin Qazaqstan Respýblikasynyń Prezidenti Qasym-Jomart Kemelulyna rizashylyǵymyz sheksiz», - dedi aqsaqal.
Qazirgi ýaqytta qurylys alańynda daiyndyq jumystary júrip jatyr.
Máselen, ainalma jáne tehnologiialyq joldar tóseldi, elektr jelileri tartylyp, sý ótkizý qubyrlary ornatyldy.
Budan bólek, kópir salýshylarǵa arnalǵan jataqhana turǵyzylýda.
