Foto: Polisia.kz
Búginnen bastap jol qaýipsizdigin arttyrýǵa jáne jol-kólik oqiǵalarynyń sanyn azaitýǵa baǵyttalǵan zań kúshine endi, dep habarlaidy Polisia.kz.
Jańashyldyq halyqaralyq jáne respýblikalyq mańyzy bar joldarmen júretin barlyq júrgizýshilerge qatysty.
— Bul ózgeristerdiń negizgi máni avtomatty túrde tirkeý júielerimen anyqtalatyn túzý syzyqty ýchaskelerde «ortasha jyldamdyqtan» asyp ketkeni úshin jaýapkershilikti engizý bolyp tabylady. «Ortasha jyldamdyq» júrip ótken joldy sol joldy júrip ótken ýaqyt aralyǵyna bólý arqyly esepteledi. Aiyppul ruqsat etilgen «ortasha jyldamdyqtan» asyp ketýine bailanysty 5-ten 40 AEK-ke deiin bolady. Iaǵni, joldardyń ár túrli ýchaskelerinde «ortasha jyldamdyq» ár túrli bolady, sebebi formýlaǵa sáikes ár avtokólik avtomatty túrde esepteledi. Bul jańalyq taldaýdy eskere otyryp engizildi, sebebi qala mańyndaǵy trassalardaǵy árbir úshinshi adam jyldamdyq rejiminiń asyp ketýiniń saldarynan kóz jumǵan. Osy ózgeristerge bailanysty IIM jol júrisine qatysýshylardyń barlyǵan qaǵidalardy saqtaýǵa jáne basqa qatysýshylardy qurmetteýge shaqyrady. Joldaǵy qaýipsizdikti arttyrý — bul ortaq mindet, — dedi IIM ákimshilik politsiia komiteti erekshe tapsyrmalar jónindegi aǵa inspektory Aqtoty Boranova.
Eske salsaq, buǵan deiin Kólik ministrligi jyldamdyqty jii asyratyn InDrive jáne Iandeks Go júrgizýshileri tasymaldan shettetilýi múmkin ekendigin aitty.
