Búgin elordada ákimdiktiń áleýmettik jelidegi paraqshalarynda (Facebook, YouTube) saǵat 20:00-de vaktsinatsiialanǵan azamattar arasynda eki iPhone12 oinatylady, dep habarlaidy "Ult aqparat" qala ákimdigine silteme jasap.
Birinshi utys oiynyna vaktsinatsiia bastalǵan sátten bastap 6 shildege deiin ekpe alǵandar qatysady (osy ýaqyt aralyǵynda vaktsinatsiialanǵandar sany — 259 myń 115).
Budan keiin apta saiyn jazdyń sońyna deiin iPhone12 oinatylady. Utys oiyny ákimdiktiń áleýmettik jelidegi paraqshalarynda tikelei efirde ótedi.
Birge platformasynda baiqaý jeńimpazyn anyqtaý úshin arnaiy randomaizer qyzmeti ornatyldy, ol jeńimpazdardy ID arqyly tańdaidy. Ázirlemege IT-qaýymdastyq ta qatysty.
Búgingi kúni servis Densaýlyq saqtaý ministrliginiń vaktsinatsiialanǵandar týraly málimetterimen biriktirilgen. Osyǵan bailanysty ekpe alǵan elorda turǵyndary konkýrsqa avtomatty túrde qatysady.
Esterińizge sala keteiik, vaktsinatsiialanǵandar arasyndaǵy konkýrs qazirgi epidemiologiialyq jaǵdaidy jaqsartýǵa jáne koronavirýs pandemiiasynda ujymdyq immýnitetti qalyptastyrýǵa múmkindik beretin vaktsinany alýǵa yntalandyrý úshin qolǵa alyndy. Sondai-aq, birqatar SOO jáne saýda úilerinde vaktsinatsiialanǵandar arasynda baǵaly syilyqtar oinatylady.
