Foto: ashyq derekkóz
«QazAvtoJol» ulttyq kompaniiasy eldegi joldardyń qazirgi ahýaly týraly habarlady.
Ulttyq kompaniianyń málimetinshe, aýa raiynyń qolaisyzdyǵyna bailanysty respýblikalyq mańyzy bar kelesi avtojol ýchaskelerinde qozǵalys shekteldi:
Shyǵys Qazaqstan oblysy
• KAZ-08 «Almaty – Taldyqorǵan – Óskemen – Shemonaiha – RF shekarasy» avtojolynyń 1194-1212-shaqyrymy (Shemonaiha qalasy – RF shekarasy aralyǵy).
Qozǵalys 2026 jylǵy 13 naýryz saǵat 08:00-de ashylady dep boljanyp otyr.
Soltústik Qazaqstan oblysy
• «Qostanai – Mamliýtka» avtojoly, 226-406-shaqyrym (Qostanai oblysynyń shekarasy – Mamliýtka qalasy);
• «Astana – Atbasar – Jaqsy – Rýzaevka – Sarykól – Qostanai – RF shekarasy» avtojoly, 346-407-shaqyrym (Jaqsy kenti – Soltústik Qazaqstan oblysynyń shekarasy).
Qostanai oblysy
• «Qostanai – Rýdnyi – Denisovka – Komsomolskoe – Qarabutaq» avtojoly, 234-385-shaqyrym (Aqtóbe oblysynyń shekarasy – Denisovka kenti).
Pavlodar oblysy
• «Astana – Shiderti – Pavlodar – Ýspenka – RF shekarasy» avtojolyndaǵy «Qalqaman» jolairyǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shektelgen.
Aýa raiy
12 naýryzda Aqmola, Soltústik Qazaqstan, Shyǵys Qazaqstan, Abai, Qaraǵandy, Ulytaý, Pavlodar jáne Qostanai oblystarynyń kei jerlerinde qar jaýyp, boran soǵady.
– Sol sebepti júrgizýshilerge jyldamdyq rejimi men qaýipsiz araqashyqtyqty qatań saqtap, joldardaǵy aýa raiynyń qolaisyzdyǵyn eskerýlerińizdi suraimyz, - dep eskertti «QazAvtoJol».
