Epidemiologiialyq jaǵdaidy baǵalaý matritsasy qaita qarastyryldy. Bul týraly Densaýlyq saqtaý ministri Ajar Ǵiniiat málim etti, dep habarlaidy QazAqparat.
«Búginnen bastap Densaýlyq saqtaý ministrligi epidemiologiialyq jaǵdaidy baǵalaý matritsasyn ózektendirdi. Onda 7 kún ishinde indet juqtyrýdyń ortasha táýliktik kórsetkishi 100 myń adamǵa shaqqanda aýrýhanaǵa jatqyzylǵandardyń táýliktik kórsetkishine kóshý talabyna aýystyryldy», - dedi Ǵiniiat Ortalyq kommýnikatsiialar qyzmetinde.
Onyń aitýynsha, atalǵan kórsetkishti qaita qarastyrý jumysyna densaýlyq saqtaý salasynyń mamandary men Dúniejúzilik densaýlyq saqtaý uiymynyń sarapshylary qatysty.
«Bul turǵyda matritsada Dúniejúzilik densaýlyq saqtaý uiymynyń epidemiologiialyq ahýaldy baǵalaýǵa qatysty usynystary eskerildi. Bul rette infektsiialyq statsionarlarǵa jatqyzylǵan naýqastardyń úlesi, halyqtyń vaktsinamen qamtý deńgeii, koronavirýstyń taralý kórsetkishteri nazarǵa alyndy», - dedi ministr.
Osy oraida «jasyl» aimaq myna tártipte aiqandalady:
1. Reprodýktivti R sany kórsetkishine qaramastan, 2,5 myńǵa deiin naýqas aýrýhaǵa jatqyzylǵan kezde.
2. 5 000-ǵa deiin naýqas aýrýhanaǵa jatqyzylsa jáne reprodýktivti R sany 1-den tómen bolsa.
«Sary» aimaq:
1. 5 000-ǵa deiin naýqas aýrýhanaǵa jatqyzylsa jáne reprodýktivti R sany 1-den artyq bolsa.
2. 5000-nan 10 000-ǵa deiin naýqas aýrýhanaǵa jatqyzylsa jáne reprodýktivti R sany 1-den tómen bolsa.
«Qyzyl» aimaq:
1. 5000-nan astam naýqas aýrýhanaǵa jatqyzylsa jáne reprodýktivti R sany 1-den artyq bolsa.
2. Reprodýktivti R sany kórsetkishine qaramastan, 10 000-nan astam naýqas aýrýhaǵa jatqyzylǵan kezde.
Qazirgi kezde indet juqtarǵandardyń 90 paiyzǵa jýyǵy ambýlatorlyq tártipte em qabyldap jatyr.
