"Saliqaly urpaq" qorynyń direktory Qasym Qasabekov Bolat Nazarbaevtyń jaǵdaiyn aitty, - dep habarlaidy Massaget.kz.
"Bolat Nazarbaev turaqty aýyr jaǵdaida ekenin jáne 2015 jyldan beri onkologiialyq aýrýdan emdelip jatqanyn habarlaimyz", - dep jaýap berdi Qasabekov Tengrinews.kz saitynyń resmi saýalyna.
Ol BAQ-tan jýrnalistik etikany saqtaýdy jáne Bolat Nazarbaevtyń jeke fotosýretterin taratpaýdy surady.
Buǵan deiin BAQ-ta Bolat Nazarbaevtyń fotosy men videosy jariialanǵan. Derekkózderge silteme jasalyp, dárigerler Bolat Nazarbaevtyń jaǵdaiyn óte aýyr dep baǵalaityny habarlanǵan.
Nazarbaev - "Saliqaly urpaq" qoǵamdyq qorynyń negizin qalaýshy. Qor qyzmetiniń basty baǵyttary - qaiyrymdylyq jáne áleýmettik jobalar.
"Biz azamattyq bastamalardy qoldaimyz, naqty áleýmettik jáne qoǵamdyq máselelerdi sheshýge baǵyttalǵan jobalardy iske asyrýǵa kómektesemiz", - delingen qor saitynda.
