Foto: Ashyq derekkóz
Qoǵam belsendisi Sanjar Boqaevtyń isine qatysty tyń málimetter jariialandy, dep habarlaidy Ult.kz.
Bas prokýratýranyń habarlaýynsha, Boqaevqa aǵashtar men butalardy zańsyz kesý, sondai-aq asa iri kólemde alaiaqtyq jolmen qarjy jymqyrý faktileri boiynsha aiyp taǵylǵan. Qazirgi tańda ol eki aiǵa qamaýǵa alynǵan.
Bas prokýrordyń orynbasary Erlan Ótegenov Senattaǵy brifingte alaiaqtyq áreketterdiń qai kezeńde oryn alǵanyn naqtylady.
Onyń sózinshe, kúmándi áreketter Boqaevtyń ulttyq kompaniiada qyzmet atqarǵan kezinde bolǵan.
Aita keteiik, Sanjar Boqaev 2015–2018 jyldary "QazTransGaz" AQ basqarma tóraǵasynyń keńesshisi qyzmetin atqarǵan. Keiin, 2021 jyly kompaniia ataýy "QazaqGaz" ulttyq kompaniiasy bolyp ózgertildi.
