Kásipqoi boksta birde-bir márte jeńilip kórmegen qazaqstandyq boksshy Bobyrjan Momynov (10-0, 8KO) kelesi aiqasy qashan ótetinin jariialady, dep habarlaidy "Ult aqparat".
«Assalaýmaǵaleikúm dostar! Kópten kútken sát te jetti. Qudaidyń qalaýymen 16 maýsymda sharshy alańǵa oralamyn. MGM Grand Arena-da kóriskenshe», - dep jazdy sportshy Instagram-paraqshasynda.
Boks statistikasyn júrgizip otyratyn Boxrec.com-nyń jazýynsha, 16 maýsymda Bobyrjan Momynov Las-Vegastaǵy (AQSh) MGM Grand Arena-da 26 jastaǵy amerikalyq Kemeron Kraelmen kezdesedi.
Eske sala ketsek byltyr Ulttyq boks qaýymdastyǵynyń (NBA) prezidenti Deimon Gonsales uiymnyń shtab-páterinde Bobyrjan Momynovqa Intercontinental chempionynyń beldigin tabys etken bolatyn. Júldeni boksshy gúrjilik Anzor Gamgebelidi jeńgeni úshin alǵan edi.
