Foto: Stan.kz
QR DSM Meditsinalyq jáne farmatsevtikalyq baqylaý komiteti Rýdnyi qalalyq aýrýhanasyna jospardan tys tekserý júrgizedi, dep habarlaidy Ult.kz.
Qazaqstan Respýblikasy Densaýlyq saqtaý ministrliginiń Meditsinalyq jáne farmatsevtikalyq baqylaý komiteti bloger Tatiana Týrlai jariialaǵan faktilerge bailanysty «Rýdnyi qalalyq kópbeiindi aýrýhanasy» KMK-ǵa qatysty jospardan tys tekserý bastalǵanyn habarlaidy.
"Komitet meditsinalyq uiymnyń qyzmetine aýdit júrgizip, dárilik preparattarmen jáne meditsinalyq buiymdarmen úzdiksiz qamtamasyz etý máselesin tekseredi. Atalǵan jaǵdai vedomstvo basshylyǵynyń jeke baqylaýynda", - delingen habarlamada.
Qostanai oblysy densaýlyq saqtaý basqarmasynyń aqparaty boiynsha qazirgi ýaqytta aýrýhananyń bólimsheleri meditsinalyq kómek kórsetý úshin jetkilikti kólemde qajetti dárilik zattarmen jáne meditsinalyq buiymdarmen qamtamasyz etilgen.
Tekserý qorytyndysy boiynsha halyqqa sapaly ári ýaqtyly meditsinalyq kómek kórsetýdi qamtamasyz etý maqsatynda Komitet tiisti sharalar qabyldaityn bolady.
