Senat depýtattary Nariman Tóreǵaliev pen Lázzat Rysbekova Batys Qazaqstan oblysynyń sharýalarymen kezdesti, dep habarlaidy "Ult aqparat".
Senat depýtattary Nariman Tóreǵaliev pen Lázzat Rysbekova Batys Qazaqstan oblysyndaǵy Syrym, Terekti jáne Báiterek aýdandarynyń sharýa qojalyqtarynda bolyp, olardyń basshylarymen jáne qyzmetkerlerimen kezdesti.
Senatorlar fermerlermen júzdesý kezinde jemshóp daiyndaý jumysynyń barysyn talqylady.
Kezdesý barysynda sondai-aq jemshóp jinaý jabdyqtary men tehnikasyna baǵanyń ósýi máselesi kóterildi.
Depýtattar bul másele el basshylyǵynyń baqylaýynda ekenin jáne senatorlar óz tarapynan týyndaǵan problemalardy sheshýge belsendi túrde járdemdesetinin atap ótti.
Fermerler sonymen qatar sýbsidiia berý erejeleri jii ózgerip otyratyndyǵyna da alańdaýshylyq bildirdi.
Bul aýyl sharýashylyǵy taýaryn óndirýshilerge qolaisyzdyq týǵyzady jáne olarǵa óz qyzmetin josparlaýǵa múmkindik bermeidi.
Depýtattar bul máseleni Senatta qaraý asa mańyzdy bolatynyn atap ótti.
Nariman Tóreǵaliev pen Lázzat Rysbekova Bórli jáne Shyńǵyrlaý aýdandarynda da boldy. Senatorlar aýyl turǵyndarymen kezdesý barysynda olarǵa ótken sessiia barysynda qabyldanǵan zańdardyń negizgi erejeleri týraly aityp berdi.
Depýtattar sondai-aq jol, kóppáterli úi jáne sport kesheni qurylystarynyń barysymen tanysty.
Olar atqarylatyn qurylys jumystarynyń sapasyn saqtaý jáne bólingen qarajattyń igerilýin tiimdi baqylaý qajettigin merdigerler men ákimdiktiń esine saldy.
