Aýyl sharýashylyǵy ministrligi biylǵy shegirtkege qarsy kúres sharalary bastalǵanyn málim etti, dep habarlaidy "Ult aqparat" vedomstvonyń baspasóz qyzmetine silteme jasap.
Batys Qazaqstan oblysynyń Qaratóbe aýdanyna qarasty Qoskól aýyly aýmaǵyndaǵy Shora qystaǵynda 1 jastaǵy italiiandyq prýs dernásili kóbeiip jatqany anyqtaldy. Osyǵan bailanysty mamandar himiialyq óńdeý shegirtke dernásiliniń ońtaily jasynda júrgizilýi tiis ekenin aitady. Ádistemelik nusqaýǵa sáikes shegirtke ziiankesterine qarsy himiialyq óńdeý 2-3 jasta júrgiziledi. Jalpy, Batys Qazaqstan oblysynda biyl 72,326 myń gektarǵa úiirli shegirtke ziiankesteri, onyń ishinde 70,326 myń gektarǵa italiiandyq prýs jáne 2 myń gektarǵa aziia shegirtkesi taralýy múmkin degen boljam bar.
«Himiialyq is-sharalardy ýaqytynda atqarý úshin óńirge dári-dármekter jetkizildi. Sondai-aq himiialyq óńdeý qyzmetterin atqaratyndarmen shart jasaldy. Oǵan barlyǵy 30 tehnika (onyń ishinde 3 gaz generatory) jumyldyrylady. BQO Qaratóbe aýdany Qaratóbe aýyldyq okrýgi aýmaǵynda «Enjio», «Lokýstin», «Imidor», «Kombat» jáne «Tsiprofen» preparattarymen óńdeý jumysy josparly túrde bastaldy», delingen habarlamada.
Elimizde 2021 jyly 640,85 myń gektar jerge úiirli shegirtke ziiankesteri, onyń ishinde italiiandyq prýs 384 myń gektarǵa, aziia shegirtkesi 142 myń gektarǵa jáne marokka shegirtkesi 114 myń gektarǵa taralýy múmkin dep boljanyp otyr.
Ministrliktiń málimetinshe, pestitsid pen himiialyq óńdeý qyzmetteri barlyq boljamdy alańǵa satyp alyndy. Sonymen qatar, 223 myń gektarǵa jetetin pestitsid qory bar.
Úiirli shegirtkelerdi tiimdi óńdeý úshin pestitsidterdiń túrli toptarynyń preparattary satyp alyndy. Bul baǵyt boiynsha oblys ákimdikterimen birlese jumys isteý júiesi ázirlendi. Qazirgi ýaqytta oblys ákimderiniń orynbasarlary basqaratyn jedel shtabtar quryldy, sondai-aq monitoring jáne himiialyq óńdeý jumystaryn uiymdastyrý jónindegi jumys josparlary bekitildi.
Óńdeýge arnaiy búrikkish 183 tehnika (150 jerústi búrikkishi, 12 ushaq, asa jeńil aviatsiianyń 13 kemesi jáne 8 aerozoldi gaz generatory) tartylady.
Úiirli shegirtke ziiankesteriniń oshaqtaryn anyqtaý úshin 38,4 mln gektar jer zertteledi. Osy jumysty júrgizý úshin 524 avtokólik pen 1230 tekserýshi tartylady.
Maýsym aiynda kórshiles memlekettermen (QHR, RF, RÝ) shekaralas aýmaqtarda shegirtke ziiankesterin anyqtaý úshin birlesken zertteý júrgizý josparlanyp otyr.
Túrkistan jáne Jambyl oblystarynda marokko shegirtkesine qarsy óńdeý jumystary aiaqtaldy. Al, Aqtóbe oblysy men BQO-da italiiandyq prýsqa qarsy óńdeý jumystary bastaldy.
