Batys Qazaqstan oblysynda aýyl sharýashylyǵy maqsatynda paidalanylmai jatqan 1,2 mln gektar jer anyqtaldy. Bul týraly óńir ákimi Ǵali Esqaliev aityp berdi, dep habarlaidy "Ult aqparat".
«Prezident tapsyrmasyna sáikes, sońǵy eki jyl ishinde aýyl sharýashylyǵy maqsatynda paidalanylmaityn 1,2 mln gektar jer anyqtaldy. Onyń ishinde 574 myń gektar jerdiń paidalanýshylary óz jer telimin igerýge kiristi, 149 myń ga memleket menshigine qaitaryldy. Qalǵan jer paidalanýshylar boiynsha zańnamada belgilengen tártippen jumys júrip jatyr», - dedi Ǵ. Esqaliev Ortalyq kommýnikatsiialar qyzmetinde ótken baspasóz máslihatynda.
Ákimniń aitýynsha, bul jumystar arnaiy jasaqtalǵan geoaqparattyq portal arqyly júrgizilgen.
«Qazirgi ýaqytta geoportal ortalyq memlekettik organdardyń bazalarymen integratsiiadan ótip jatyr. Atalǵan jumystar aiaqtalǵan soń aýyl sharýashylyǵy jerlerin berý protsesi avtomatty túrde júrgiziledi», - dedi BQO ákimi.
