Batys Qazaqstan oblysynda jyl basynan beri koronavirýstan 218 adam kóz jumdy, dep habarlaidy "Ult aqparat".
BQO densaýlyq saqtaý basqarmasy basshysynyń mindetin atqarýshy Arman Qalibekovtiń málim etkenindei, sonyń 155-i nemese 71 paiyzy – 65 jastan asqandar.
Sondai-aq 61-i nemese 28 paiyzy – 40-65 jas aralyǵyndaǵylar, ekeýi nemese 1 paiyzy – 40-qa deiingiler.
Arman Talǵatulynyń sózine qaraǵanda, 194-iniń nemese 90 paiyzynyń sozylmaly dertteri bolǵan. Sonyń ishinde 70 paiyzy júrek-qan tamyrlary aýrýlary, 12 paiyzy qant diabeti, 18 paiyzy basqa dertke shaldyqqan.
Sanitarlyq-epidemiologiialyq rejimniń saqtalmaýy jáne turǵyndardyń adamdar kóp jinalatyn jerlerge barýy saldarynan infektsiialyq statsionar, sonyń ishinde jansaqtaý bólimshelerinde jatqandar sany kóbeiýde.
Atap aitqanda, jansaqtaý bólimshelerinde emdelýshiler sany 40-qa jetti. Bulardyń úsheýi – 50-ge deiingiler, altaýy – 50-60, 24-i – 60-80 jas aralyǵyndaǵylar, jeteýi – seksennen asqandar. Sonyń ishinde 57,5 paiyzynyń (23 naýqastyń) sozylmaly dertteri bar. 18-i júrek-qan tamyrlary aýrýlary, beseýi qant diabetimen aýyrady.
«Sońǵy aptada (24-30 maýsym, orta eseppen 498 emdelýshi) aldyńǵymen (17-23 maýsym, 443 emdelýshi) salystyrǵanda, infektsiialyq statsionarda jatqandar sany 11,1 paiyzǵa ósip otyr. Osyǵan bailanysty turǵyndardan karantindik sharalardy barynsha qatań saqtap, ózin jáne jaqyn-jýyqtaryn asa qaýipti indetten qorǵaýǵa shaqyramyz», dedi Qalibekov.
