Batys Qazaqstan oblysynda 18 infektsiialyq statsionarda koronavirýs juqtyrǵan 501 naýqas emdelýde, dep habarlaidy "Ult aqparat".
BQO Densaýlyq saqtaý basqarmasynan málim etkenindei, sonyń ishinde Oral qalasyndaǵy 5 aýrýhanada 422 adam em qabyldaýda.
Jansaqtaý bóliminde jatqandar sany 37-ge jetti.
Sońǵy táýlikte 63 adamnan indet tabylsa, 84 naýqas jazylyp shyqty.
Bir aptada aldyńǵymen salystyrǵanda, aýrý juqtyrý kórsetkishi 25,3 paiyzǵa (161) ósip ketti.
Basqarma málimetine qaraǵanda, jyl basynan beri óńirde 15515 adam syrqattansa, sonyń 55 paiyzy (8531) Oral qalasynda, 14 paiyzy (2234) Báiterek, 11 paiyzy (1759) Bórli aýdanynda tirkelgen.
Indet bastalǵannan beri oblys 24736 koronavirýs juqtyryp, sonyń 19988-i emdelip shyqty. 379-y kóz jumdy.
