Foto: canva.com
Batys Qazaqstan oblysy Chapaev aýyldyq okrýginiń ákimi Bibolat Zeinollin mas kúiinde kólik júrgizgeni úshin ustaldy. Bul derek óńirlik politsiia departamenti arqyly resmi rastaldy, dep habarlaidy Ult.kz.
“Ýralskaia nedelia” basylymynyń habarlaýynsha, ákimdi 12 naýryzǵa qaraǵan túni politsiia qyzmetkerleri alkogoldik mas kúide ustaǵan. Ákim bastapqyda ózin naýqas dep kórsetip, aýrýhana tóseginde jatqanyn aityp, “Dorojnyi kontrol” blogeriniń qońyraýyna jaýap bergisi kelmegen. Degenmen, keiin mas kúiinde kólik júrgizgenin moiyndaǵan.
BQO politsiiasy habarlaǵandai, Aqjaiyq aýdany Chapaevo aýyly mańynda patrýldik politsiia batalonynyń qyzmetkerleri ákimdi jol erejesin buzǵan kúiinde ustaǵan. Qazirgi ýaqytta QR Ákimshilik quqyq buzýshylyqtar kodeksiniń 608-baby boiynsha ákimshilik hattama jasalyp, materialdar sotqa joldandy.
Aita keteiik, mas kúiinde kólik júrgizý 15 táýlikke ákimshilik qamaýǵa alynýǵa jáne 7 jylǵa júrgizýshi kýáliginen aiyrýǵa ákep soǵady. Buǵan deiin Petropavlda politsiia komandiri júrgizýshi kýáliginen aiyrylǵandarǵa jeńildik jasaǵan derek te tirkelgen bolatyn.
