COVID-19-ǵa qarsy kúres boiynsha is-sharalar aiasynda densaýlyq saqtaý nysandarynyń 8744 qyzmetkerine 2,5 mlrd teńge ústemeaqy tólendi, dep habarlaidy "Ult aqparat".
«Áleýmettik meditsinalyq saqtandyrý qory» KEAQ BQO boiynsha filialynyń direktory Nurjamal Jumaǵulovanyń óńirlik kommýnikatsiialar qyzmeti alańynda ótken brifingide málim etkenindei, koronavirýsty emdeýge engizilgen 5 preparatpen 33,8 mln teńgege 3422 patsient qamtamasyz etildi.
Jyl basynan beri koronavirýspen aýyrǵan 3819 naýqas 2,3 mlrd teńgege em aldy.
Nurjamal Shamǵonqyzynyń sózine qaraǵanda, barlyǵy 72271 PTR-diagnostikaǵa arnalǵan jalpy somasy 55,4 mln teńge jáne 34478 ret mobildi brigadanyń shyqqany úshin 208,9 mln teńge tólendi.
Sondai-aq filial direktory BQO boiynsha 2021 jylǵa 46 densaýlyq saqtaý nysanymen tegin meditsinalyq kómektiń kepildik berilgen kólemi aiasynda jáne mindetti áleýmettik meditsinalyq saqtandyrý júiesinde qyzmetter kórsetýge tiisti sharttar jasalǵanyn jetkizdi.
«Biyl 810 myń konsýltatsiialyq-diagnostikalyq kómek qyzmetine 1,5 mlrd teńge jumsaldy. 1123 naýqasqa MÁMS aiasynda 253,8 mln teńgege táýliktik statsionarlarda meditsinalyq ońaltý qyzmeti kórsetildi. Sondai-aq statsionarlarda josparly túrde 8456 patsient 1,48 mlrd teńgege emdeldi. 4,2 myń bosaný (477,9 mln teńge) tirkeldi. 1,92 mlrd teńgege 7388 myń ota jasaldy», dedi N.Jumaǵulova.
