Biylǵy jylǵy jaz mezgilindegi shomylý maýsymynda QR Tótenshe jaǵdailar ministrliginiń qutqarýshylary 328 adamdy qutqardy, olardyń ishinde 61 bala bar, dep habarlaidy vedomstvonyń baspasóz qyzmeti.
Adamdardyń sýdaǵy qaýipsizdigin qamtamasyz etý maqsatynda TJM barlyq deńgeidegi ortalyq jáne jergilikti atqarýshy organdarmen ózara is-qimyl jasai otyryp, sýda tótenshe jaǵdailardyń týyndaý qaýpin azaitý boiynsha uiymdastyrýshylyq jáne praktikalyq is-sharalar keshenin aldyn ala bastady jáne úzdiksiz ótkizdi.
Shomylýǵa ruqsat etilgen 538 oryn anyqtaldy, bul ótken jylmen salystyrǵanda 93 orynǵa kóp.
TJM jergilikti atqarýshy organdarmen jáne jekemenshik obektilermen birlesip, 454 qutqarý jáne 66 meditsinalyq beket qurdy. Asa qaýipti ýchaskelerde 59 mobildi qutqarý beketi qoiyldy.
Sý aidyndarynda 6655 qaýipsizdik belgisi jáne 1656 aqparattyq stendter ornatyldy, onda adamdardyń qaza bolý sebepteri men oqiǵalarǵa yqpal etken jaǵdailar jazylǵan.
Turǵyndar arasynda 1 mln 139 myń 935 dana úgit ónimi (býkletter, paraqshalar) taratyldy, halyqpen 5314 jiyn ótkizildi.
Jergilikti atqarýshy organdarmen ózara is-qimyl boiynsha 32085 bala júzýge úiretildi.
Aldyn alý jumystaryna 17943 volonter tartyldy.
