Qazaqstanda jyl basynan beri múgedektik jáne asyraýshysynan aiyrylý jaǵdaiy boiynsha járdemaqy túrinde 357 mlrd teńgeden astam qarajat tólendi, dep habarlaidy QazAqparat.
«2021 jylǵy qańtar-qarasha ailary aralyǵynda respýblikalyq biýdjetten múgedektik boiynsha memlekettik áleýmettik járdemaqy tóleýge 283,5 mlrd teńge, asyraýshysynan aiyrylý jaǵdaiyna bailanysty 74 mlrd teńge baǵyttaldy. 2021 jyldyń qarasha aiynda respýblikalyq biýdjetten múgedektik boiynsha memlekettik áleýmettik járdemaqy tóleýge 25,6 mlrd teńge, asyraýshysynan aiyrylý jaǵdaiy boiynsha 7,6 mlrd teńge jumsaldy», - delingen QR Eńbek jáne halyqty áleýmettik qorǵaý ministrligi málimetinde.
2021 jylǵy 1 jeltoqsandaǵy jaǵdai boiynsha múgedektik boiynsha memlekettik áleýmettik járdemaqy alýshylardyń sany 520,8 myń adamdy, asyraýshysynan aiyrylý jaǵdaiy boiynsha 161,9 myń adamdy quraidy.
Múgedektik jáne asyraýshysynan aiyrylý jaǵdaiy boiynsha memlekettik áleýmettik járdemaqylardyń mólsheri múgedektik tobyna jáne sebebine, qaitys bolǵan (qaza tapqan) asyraýshynyń asyraýyndaǵy adamdar sanyna, sondai-aq tiisti qarjy jylyna arnalǵan «Respýblikalyq biýdjet týraly» zańynda belgilenetin eń tómen kúnkóris deńgeiiniń shamasyna bailanysty bolady.
2021 jylǵy 1 jeltoqsandaǵy jaǵdai boiynsha múgedektik jónindegi memlekettik áleýmettik járdemaqynyń ortasha mólsheri 49 198 teńgeni, asyraýshydan aiyrylý jaǵdaiynda 46 050 teńgeni qurady.
