Jyl basynan beri turmystyq zorlyq-zombylyq jaiynda 125 myńnan astam shaǵym men habarlama kelip tústi. Bul týraly QR Ishki ister ministrligi Ákimshilik politsiia komiteti basqarmasynyń basshysy Jasulan Baikenov aitty, dep habarlaidy QazAqparat.
«Zorlyq-zombylyq - bul daýly áleýmettik problema, óitkeni ol qurbandardyń ózderine tikelei áser etip qana qoimaidy, sonymen birge qoǵamdy turaqsyzdandyrady, áleýmettik tártipke qaýip tóndiredi. Zorlyq-zombylyqtyń eń kóp taralǵan túrleriniń biri - turmystyq zorlyq-zombylyq. Jyl basynan beri turmystyq zorlyq-zombylyq jaiynda 125 myńnan astam shaǵym men habarlama kelip tústi», - dedi J. Baikenov onlain brifingide.
Onyń aitýynsha, osy faktilerdi qarastyrý kezinde 9 645 adamǵa qatysty sot olardyń tártibine erekshe talaptardy bekitti. 40 myńnan astam adam ákimshilik jaýapkershilikke tartyldy.
«Jábirlenýshilerdiń qaýipsizdigin qamtamasyz etý maqsatynda 70 228 adamǵa qorǵaý týraly nusqaý berildi», - dedi basqarma basshysy.
