Biyl tamyz aiynda bilim jáne ǵylym ministrligi jazǵy mektepti iske qospaq. Bul týraly Bilim jáne ǵylym ministrligi uiymdastyrǵan onlain brifingide aityldy, dep habarlaidy "Ult aqparat".
«Biz elektrondyq formatty qujat ótkizý júiesin ata-analar úshin barynsha yńǵaily etip jasadyq. Bilim jáne ǵylym ministrligi mundai qyzmet túrin birinshi ret iske qosqandyqtan, aiaǵyna deiin jetkizýi kerek biraz jumys bar», - dedi QR BǴM Bilim berý tsifrlyq transformatsiialaý departamentiniń direktory Qanat Kenbai.
Sondai-aq, QR BǴM Mektepke deiingi jáne orta bilim komitetiniń tóraiymy Maira Meldebekova 1-synyp oqýshylarynan jazý, oqý, sanaýdy bilip barý talap etilmeitinin aitty.
«1-synyp oqýshylarynan jazý, oqý, sanaýdy bilip barý talap etilmeidi. Ekinshiden, tótenshe jaǵdai rejiminiń aiaqtalýyna bailanysty balabaqshalar ótken jylǵy oqý baǵdarlamasyn qaitalap oqytady. Odan bólek, biyl tamyz aiynda bilim jáne ǵylym ministrligi jazǵy mektepti iske qospaq. Bul aida tórtinshi toqsanda oqylmai qalǵan taqyryptardy oqyp, tapsyrmalardy oryndaidy», - deidi ol.
