2021 jylǵy toǵyz aida Qazaqstannan 25,3 myń adam kóship ketken, dep habarlaidy Strategiialyq josparlaý jáne reformalar agenttigi Ulttyq statistika biýrosy.
Kóshi-qon qyzmeti organdary usynǵan málimetterge sáikes, biylǵy qańtar-qyrkúiek aralyǵynda Qazaqstanǵa turaqty turýǵa 7246 adam kóship kelse, 25 322 azamat elimizden kóship ketken. Kóshi-qonnyń aiyrymy 18076 adamdy qurady.
Kóshi-qon almasýy negizinen TMD memleketteri ishinde bolyp jatyr.
«TMD elderinen kelgender jáne sol elderge ketkender - kóship-qonýshylardyń jalpy sanynan úlesi 84,2% jáne 86,0% qurady», - delingen statistikalyq málimette.
Al el ishinde qonys aýdaratyndar sany byltyrǵy qańtar-shildemen salystyrǵanda 0,2% artqan. Óńiraralyq qonys aýdarý boiynsha halyq kóshi-qonynyń oń aiyrymy elimizdiń 4 óńirinde baiqaldy: Almaty (22346 adam), Nur-Sultan (21718 adam), Shymkent (9568 adam) qalalarynda jáne Mańǵystaý oblysynda (248 adam).
