Biylǵy tórt aida Qazaqstanda 18 368 jeńil ári jeńil kommertsiialyq jańa avtokólik satyldy. Bul týraly «QazAvtoÓnerkásip» avtokólik salasyndaǵy kásiporyndar odaǵy málim etti, dep habarlaidy "Ult aqparat".
«2020 jyldyń 4 aiynda qazaqstandyqtar 169,3 mlrd teńgege 18 368 jeńil ári jeńil kommertsiialyq jańa avtokólik satyp aldy. Bul jeńil kólikterdiń ortasha quny 9,9 mln teńgeni qurap, ótken jyldyń sáikes kezeńimen salystyrǵanda 11,7 paiyzǵa ósti», - delingen taratylǵan málimette.
Atap aitqanda, naryqta Qazaqstanda shyǵarylǵan kólikterdiń baǵasy tómendeý bolyp tur. Elimizde qurastyrylǵan avtomobilderdiń ortasha baǵasy 7,6 mln teńge bolsa, al importtyq kólikterdiń ortasha quny 12,4 mln teńge shamasynda tirkeldi.
«4 aidyń qorytyndysy boiynsha kólik satyp alýshylardyń tórtten biri (25 paiyzy) 5 mln teńgeden qymbat emes avtomobildi tańdaǵan. Bir jyl buryn bul segment naryqtyń 30,2 paiyzyn qamtyǵan edi. 5-7 mln teńge turatyn tehnikanyń 21,7 paiyzy (3 981 kólik) ótkizildi. Satyp alýshylardyń 17,2 paiyzy 7-10 mln teńge somasyndaǵy (3 160) avtokólikti aldy.
Al biznes (10-15 mln teńge) ári premiým-sanattaǵy (15 mln teńgeden joǵary) segmentterge sáikesinshe 24,9 paiyz (4 572kólik) jáne 11,2 paiyz (2 060) tiesili boldy.
Baǵasy jaǵynan qoljetimdi kólikterdiń arasynda Lada Granta kósh bastap tur, iaǵni onyń quny 3,4 mln teńgeden bastalady.
Quny jaǵynan tómen TOR-10 avtomobildik qataryna Lada 4x4 (4,1 mln teńge), Ravon Nexia (4,1 mln), Ravon R4 (4,9 mln), Lada Largus (5 mln), Lada Vesta (5,1 mln), Renault Logan (5,2 mln), UAZ 3741 (5,2 mln), Lada XRAY (5,3 mln), UAZ 3909 (5,4 mln) endi.
Budan bólek, eń qymbat degen kólikterdiń reitinginen Mercedes-Benz G-klass (110 mln teńge), Genesis G90 (53,2 mln), Porsche Cayenne (51 mln), BMW 8 seriia (50 mln), Lexus LX (49 mln), BMW X7 (42,9), BMW X6 (40,9 mln), Porsche Panamera (37,9 mln), Audi Q8 (37,1 mln), BMW X5 (36,5 mln teńge) kórindi.
