Tótenshe jaǵdailar komiteti jáne «Qazseldenqorǵaý» mekemesi sel, syrǵyma qaýipti kezeńine daiyndyq, muzdaq kólderde tekserý jáne sýdy qaýipsiz deńgeige tómendetý boiynsha aldyn alý jumysyn uiymdastyrdy. Bul jóninde komitettiń baspasóz qyzmeti habarlady.
Naýryz-mamyr ailarynda «Qazseldenqorǵaý» MM mamandary Túrkistan, Almaty oblystarynda jáne Almaty qalasynda 17 kóshkin protsesin jáne 5 sel tirkegenin atap ótý qajet.
Biyl osy qaýipti gidrogeologiialyq qubylystardyń kóbeiýine qarqyndy qar erý jáne mol jaýyn-shashyn túsýi sebep boldy. Sonyń saldarynan topyraqta ylǵal artqan (2 metrge deiin), al ol sel men kóshkin protsesterine ákeldi.
Qazirgi tańda tómen taýly aimaqtarda turǵyn úi men basqa qurylystardyń, avtojoldardyń jáne injenerlik kommýnikatsiialardyń retsiz intensivti salynýy jalǵasýda. Turǵyn úi qurylysy taý betkeiine júktemeni arttyrdy, ol injenerlik-geologiialyq protsesterdiń jandanýyna ákeldi.
Biyl «Qazseldenqorǵaý» MM mamandary TJD jáne jergilikti atqarýshy organdarmen birlesip qaýipti ýchaskelerde 366 jerústi sholýyn ótkizdi. Sondai-aq Aqsai, Karǵaly, Úlken jáne Kishi Almaty, Talǵar, Uzynqarǵaly, Qaskeleń, Bien, Aqsý, Basqan, Sarqan, Lepsi, Esik, Kúngei Alataý, Qora, Chaja, Kóksý, Ósek, Korǵas (Almaty oblysy), Gromotýha, Ýba, Turǵysyn (ShQO) ózenderiniń basseinderinde 6 aerokózben sholý júrgizildi.
Kóshkin men sel týraly eskertý úshin ózen arnalaryndaǵy qaýipti ýchaskelerde jáne avtojoldarda 214-ke jýyq aqparattyq qalqan jáne eskertý belgisi qoiyldy. Uiym-kásiporyn basshylary, sondai-aq baý-baqsha qoǵamdary TJD-men birlesip 800 habarlama-usynym berdi, 947 broshiýra taratty.
Pasporttaýdan keiin muzdyq jáne úiindi kólderdiń sany 942 boldy (Almaty oblysy – 680, ShQO – 146, Túrkistan oblysy – 44, Almaty qalasy – 45, Jambyl oblysy - 27).
Shilde jáne qyrkúiekke deiin 17 muzdaq kólde aldyn alý is-sharalaryn, atap aitqanda kanal men sifon ornatý, jarylys jáne jer jumystaryn júrgizý kózdelgen.
Taýly ózenderdiń gidrometeorologiialyq jaǵdaiyn baǵalaý jáne baqylaý úshin 106 beket jáne 29 dispetcherlik pýnkt táýliktik monitoring uiymdastyrǵan.
Sel men kóshkin kezinde der kezinde áreket etý úshin avariialyq-mehanikalandylyrǵan 12 brigada qurylǵan.
