Foto: Inbusiness.kz
QR Premer-ministri Oljas Bektenovtiń tóraǵalyǵymen ótken Úkimet otyrysynda «QazAvtoJol» ulttyq kompaniiasynyń basqarma tóraǵasy Darhan Imanashev elimizde aqyly avtomobil joldary infraqurylymyn damytý boiynsha kezeń-kezeńmen jumys júrgizilip jatqanyn baiandady, dep habarlaidy Ult.kz.
Onyń aitýynsha, elimizde jalpy uzyndyǵy 4 myń 900 shaqyrym bolatyn 26 aqyly jol telimi jumys istep tur.
Biylǵy jyly uzyndyǵy 2 myń shaqyrym bolatyn 6 jańa ýchaskeni iske qosý josparlanýda. Olar:
- - Qaraǵandy-Balqash-Býrylbaital – 554,6 km;
- - Býrylbaital-Qurty – 226,4 km;
- - Aqtóbe-Qandyaǵash-Maqat – 89 km;
- - Taldyqorǵan-Óskemen – 773 km;
- - Atyraý-Astrahan – 277 km;
- - Merke-Shý-Býrylbaital – 78 km.
Jiynda aqaýlary bar aqyly ýchaskeler boiynsha jol júrý aqysyn alýdy toqtata turý boiynsha norma engizilgeni atap ótildi, máselen, aqaýlardyń tirkelgen kólemi 1 million 100 myń sharshy metrdi quraidy, barlyǵy 14 ýchaske - 477 km, olar boiynsha jol-qurylys maýsymynyń bastalmaq.
Sondai-aq, jol paidalanýshylardyń ótinishi boiynsha aqyly joldarmen júrý úshin aqy tóleý merzimin 7 kúnnen 30 kúnge deiin uzartý normasy engizilmek, tiisti túzetýler ýákiletti organdarda kelisilýde.
Ótken jyldyń qorytyndysy boiynsha aqyly joldardan 87 milliard teńge jinaldy jáne bul qarajat tolyǵymen aqyly ýchaskelerdi kútip ustaýǵa baǵyttaldy (2024 jyly – 48 mlrd.teńge).
Máselen, aqyly ýchaskelerden túsken tabys 1 myń 456 birlik mamandandyrylǵan tehnika men jabdyq satyp alýǵa, 354 myń sharshy metr jol tósemine aǵymdaǵy jóndeý júrgizýge, sondai-aq 340 myń tekshe metr kóktaiǵaqqa qarsy materialdardy paidalanýǵa jumsaldy.
"2024-2025 jyldar aralyǵynda 1 myńnan astam sý ótkizý qubyrlaryn ornatý jáne jóndeý jumystary oryndaldy - júzege asyrylǵan sharalardyń arqasynda sý tasqyny qaýpi bar ýchaskelerdiń sanyn eki esege qysqartýǵa múmkindik týdy. Erigen sýlardyń boljamdy kólemin eskere otyryp, sý tasqyny qaýpin joiý maqsatynda jergilikti atqarýshy organdarmen birlesip inertti materialdardyń qajetti qoryn qamtamasyz etý úshin 219 karer jumysqa tartyldy", — dep atap ótti Darhan Imanashev.
Avtomobil joldarynyń búlinbeýin qamtamasyz etý maqsatynda avtomattandyrylǵan ólsheý stansalaryn (AÓS) ornatý baǵdarlamasy dáiekti túrde júzege asyrylyp keledi. Ótken jyldyń qorytyndysy boiynsha 24 AÓS ornatylǵan, osylaisha olardyń jalpy sany respýblikalyq joldarda 46 birlikti qurady. 2028 jylǵa deiin 102 jańa AÓS ornatý josparlanýda.
"Joǵaryda aitylǵandarmen qatar, joldardy basqarý protsesterin avtomattandyrýdyń jańa tsifrlyq tetikteri engizilýde. Máselen, byltyrdan beri pilottyq joba retinde «Almaty – Qonaev» tas jolynyń 42 shaqyrymdyq aqyly ýchaskesinde intelektýaldy kólik júiesin engizý júzege asyrylýda", — dep atap ótti Darhan Imanashev.
Osy joba sheńberinde obektilerdiń trekingin, JKO týyndaý jaǵdailaryn, janýarlardyń jol boiyna shyǵý jaǵdailaryn qadaǵalaý, aýa raiynyń ózgerýin jáne jol qozǵalysy erejelerin buzý jaǵdailaryn avtomatty baǵalaý múmkindigi bar jasandy intellekt elementterin engizý kózdelip otyr.
"1403 koll-ortalyǵyn odan ári jańǵyrtý maqsatynda biz jasandy intellekt negizinde "Sapar" ziiatkerlik dispetcherin engizýge kiristik. Ol paidalanýshylarǵa "Alisa" jáne "Siri" siiaqty daýystyq kómekshiler qaǵidaty boiynsha tsifrlyq assistent qyzmetin kórsetedi", — dep atap ótti «QazAvtoJol» Ulttyq kompaniiasynyń tóraǵasy Darhan Imanashev.
Budan basqa, jol boiyndaǵy servisti damytýǵa nazar aýdarylýda – qazirgi ýaqytta servis obektileriniń jalpy sany 1 421 birlikti quraidy.
2023-2025 jyldar aralyǵynda jol boiyndaǵy servistiń joǵary formattaǵy 123 jańa nysany paidalanýǵa berildi. Biyl jeke investitsiialar tartý esebinen taǵy 37 nysan ashý josparlanýda.
