2020 jyldyń basynan bastap 2,6 mln gektardan astam paidalanylmaǵan jerler erikti túrde memlekettik menshikke qaitaryldy. Bul jaiynda senatorlardyń depýtattyq saýalyna QR Premer-Ministri Asqar Maminiń jaýabynda aitylǵan, dep habarlaidy "Ult aqparat".
«Aýyl sharýashylyǵynyń tabysty jumys isteýi úshin ár gektar jerdi paidalaný qajet. Tiimdi jumys isteitin jer baqylaý jáne qadaǵalaý institýtynyń qadaǵalanýynda bolýy aýyl sharýashylyǵy maqsatyndaǵy jerlerdi maqsatty paidalanýdy qalpyna keltirýdiń ajyramas sharty bolyp tabylady. Búgingi tańda, aýyl sharýashylyǵy maqsatyndaǵy jerlerdi qorǵaý salasyndaǵy baqylaý fýnktsiialaryn tiisti oblystar aýdandarynyń jergilikti atqarýshy organdary júzege asyrady. Aýyl sharýashylyǵy maqsatyndaǵy jerlerdi qorǵaý salasyndaǵy baqylaý fýnktsiialaryn odan ári kúsheitý úshin AShM jerlerdiń paidalanylýyn ǵaryshtyq monitoringteý ádisin engizip, Aqmola, Qostanai, Shyǵys Qazaqstan jáne Mańǵystaý oblystarynda pilottyq jobany iske qosty. 2019 jylǵy 28 qazanda Qazaqstan Respýblikasynyń Jer kodeksine ǵaryshtyq monitoringteýdi qoldana otyryp, paidalanylmaityn aýyl sharýashylyǵy jerlerin anyqtaý bóliginde ózgerister engizýdi kózdeitin Qazaqstan Respýblikasynyń keibir zańnamalyq aktilerine agroónerkásiptik keshendi retteý máseleleri boiynsha ózgerister men tolyqtyrýlar engizý týraly Qazaqstan Respýblikasynyń № 268-VI QR Zańy qabyldandy. Al aǵymdaǵy jyldyń qańtar aiynda Jerdi qashyqtyqtan zondtaý derekteri boiynsha veb-portalda paidalanylmaityn aýyl sharýashylyǵy jerlerin anyqtaýdyń tsifrlyq tetigin aiqyndaityn AShM-niń 2020 jylǵy 17 qańtardaǵy № 7 buiryǵy qabyldandy. Qazirdiń ózinde atalǵan pilottyq óńirlerde 7,7 mln ga paidalanylmaityn jerler anyqtaldy», - dedi Asqar Mamin.
Úkimet basshysynyń aitýynsha, jer inspektorynyń jeke kabinetteri quryldy. Paidalanylmaityn jerlerge avtomatty túrde habarlama qalyptastyrý jáne ony jer paidalanýshynyń jeke kabinetine jiberý kózdeldi. Bul rette jer paidalanýshylar tolyq zerdeleý úshin elektrondyq tsifrlyq qoltańba arqyly veb-portaldaǵy óz jer ýchaskelerine qol jetkize alady. Búgingi kúni ákimdikter atalǵan baǵyt boiynsha jumysty jalǵastyrýda.
«Júrgizilgen jumystardyń nátijeleri boiynsha 2020 jyldyń basynan bastap 2,6 mln gektardan astam paidalanylmaǵan jer erikti túrde memlekettik menshikke qaitaryldy. Qazirgi ýaqytta, bul jobany júrgizý barysynda AShM ony odan ári jetildirý úshin egjei-tegjeili taldaý júrgizýde. Budan basqa, AShM QR Tsifrlyq damý, innovatsiialar jáne aeroǵarysh ónerkásibi ministrligimen birlesip «Qazaqstan Ǵarysh Sapary» Ulttyq kompaniiasy» AQ bazasynda geoportal qurdy. Qazirgi ýaqytta alty oblysta jumystar aiaqtaldy. Jerdi qashyqtyqtan zondtaý derekterin taldaý qorytyndylarynda 2020 jyldyń 1 jartyjyldyǵyndaǵy jaǵdai boiynsha: Aqmola oblysynda – 261,1 myń ga, Soltústik Qazaqstan oblysynda – 269,8 myń ga, Qaraǵandy oblysynda – 214,6 myń ga, Shyǵys Qazaqstan oblysynda – 157,4 myń ga, Jambyl oblysynda – 59,5 myń ga, Almaty oblysynda – 67,9 myń ga paidalanylmaityn jerler; Aqmola oblysynda – 133,6 myń ga, Soltústik Qazaqstan oblysynda – 88,7 myń ga, Qaraǵandy oblysynda – 51 myń ga, Shyǵys Qazaqstan oblysynda – 158 myń ga, Jambyl oblysynda – 53,5 myń ga, Almaty oblysynda 99,1 myń ga esepke alynbaǵan jáne bos jerler anyqtaldy. Osylaisha, qazirgi tańda zher.gharysh.kz geoservisinde jer paidalaný monitoringiniń aldyn ala nátijeleri usynyldy.
Atalǵan nátijeler jumysta paidalaný jáne odan ári sharalar qabyldaý úshin kórsetilgen oblys ákimdikterine joldandy», - dedi Premer-Ministr.
Onyń atap ótýinshe, jer ýchaskelerin májbúrlep ielikten shyǵarý Qazaqstan Respýblikasy Jer kodeksiniń 92-94 baptaryna kórsetilgen sharalardan keiin júzege asyrylady. Alaida atalǵan sharalardy moratoriige bailanysty júzege asyrý múmkin emes.
«Degenmen, paidalanylmai jatqan aýyl sharýashylyǵy jerlerin qaitarý máselesi AShM-niń jáne jergilikti atqarýshy organdardyń erekshe baqylaýynda, atalǵan jerlerdi maqsaty boiynsha paidalanýǵa qatysty jer ielenýshilermen jáne jer paidalanýshylarmen túsinikteme túrindegi tiisti jumystar júrgizilýde», - dedi Asqar Mamin.
