Foto: Videodan skrin
Azamattyq nekedegi áielin óltirgeni úshin 24 jylǵa sottalǵan eks-ministr Qýandyq Bishimbaevtyń burynǵy áieli Nazym Qaharman sátsiz aiaqtalǵan nekesi týraly kitap jazyp jatyr, dep habarlaidy «Ult aqparat» Stan.kz -ke silteme jasap.
Nazym Qaharman óziniń Instagarm-daǵy paraqshasynda ómiri jaily kitap jazyp jatqanyn aitty.
“Negizi kitap men týraly, birinshi nekem jaily. Qalai ajyrasqanym týraly jazamyn, kitapta keibir keiipkerler de bar”, – dep jazdy bloger.
Sondai-aq Nazym kitaptyń eki taraýy jazyp qoiǵanyn aitty.
Buǵan deiin Nazym Qaharman burynǵy kúieýi Qýandyq Bishimbaevty ákelik quqyqtai aiyra almai júrgeni týraly aitqan edi.
Eske salaiyq, burynǵy Ulttyq ekonomika ministri Qýandyq Bishimbaev áieli Saltanat Núkenovany óltirdi degen kúdikpen 2023 jyly 9 qarashada ustalǵan edi. Keiinnen qylmysty jasyrdy degen aiyppen Saltanat Núkenova kóz jumǵan meiramhananyń direktory Baqytjan Baijanov ta tutqyndaldy. Olardyń sot otyrysy 2024 jyly 27 naýryzdan bastalyp 10 mamyrǵa deiin jalǵasyp, ashyq túrde ótti.
Sondai-aq eks-ministr Qýandyq Bishimbaevqa Qylmystyq kodekstiń 110-baby 2-bóligi ("Azaptaý"), Qylmystyq kodekstiń 99-baby 2-bóligi 5-tarmaǵy ("Asa qatygezdikpen adam óltirý") boiynsha jańa aiyptar taǵylǵan edi. Al onyń týysy Baqytjan Baijanov qylmysty jasyrǵany úshin aiyptalǵan.
