Foto: Arasha.kz
Astana qalasynyń qylmystyq ister jónindegi aýdanaralyq soty sottalǵan eks-ministr Qýandyq Bishimbaevtyń anasy Almira Nurlybekovanyń paidasyna sheshim shyǵaryp, 1 million dollar jymqyrdy dep aiyptalǵan týysy Bekzat Kemelovaǵa qatysty jaza taǵaiyndady, dep habarlaidy Ult.kz Politico.kz saityna silteme jasap.
Sot úkimimen Bekzat Kemelova alaiaqtyq jasady dep tanylyp, múlki tárkilenýmen qatar 6 jyl 8 aiǵa bas bostandyǵynan aiyryldy. Alaida onyń kishkentai balasy bolǵandyqtan, sot jazany óteý merzimin bir jylǵa keiinge shegerdi. Sheshimge sáikes Bekzat Kemelova jábirlenýshi Almira Nurlybekovanyń paidasyna 500 118 300 teńge tóleýge mindetteldi. Odan bólek 45 million teńge turatyn páterdiń quny óndirilip, shyǵyndy óteý úshin taǵy bir páteri tárkilenetin boldy.
Aita keteiik, byltyr kóktemde Bishimbaevtyń anasy týysyna 1 million dollardy saqtaýǵa berip, keiin qaitaryp ala almaǵanyn aityp shaǵym túsirgen edi. Nurlybekovanyń málimdeýinshe, Bekzat Kemelova onyń qiyn jaǵdaiyn paidalanyp, bul qarajatty sybailas jemqorlyqqa qarsy qyzmet ókilderi tárkileidi degen syltaýmen aldap alǵan. Sotta onyń kinási qylmystyq is materialdarymen jáne kýágerlerdiń jaýaptarymen tolyq dáleldendi.
Bekzat Kemelovany Qýandyq Bishimbaevtyń sotynda Saltanat Núkenovanyń otbasyn qorǵaǵan advokat Igor Vranchev jaqtady. Advokat buǵan deiin mundai jaǵdai múldem bolmaǵan, al Bishimbaevtyń anasy ulynyń isi kezinde týystarynyń kómektesýden bas tartqany úshin sotqa berdi degen bolatyn.
Bekzat Kemelova – Bishimbaevtar otbasynyń týysy. Kúieýi – Qairat Kemelov Qýandyq Bishimbaevtyń ákesi Ýálihan Bishimbaevtyń nemere aǵasy bolyp tabylady.
