QR Densaýlyq saqtaý ministrli eldegi medbikeler qaýymyn búgingi meiramymen quttyqtap, osyndai qiyn kezeńde dertke qarsy aldyńǵy shepte kúresip júrgen olarǵa ystyq yqylasyn bildirdi, dep habarlaidy "Ult aqparat".
"Qymbatty, qurmetti medbikeler!
Sizderdi Halyqaralyq medbikeler kúnimen quttyqtaimyn!
Ózim de jumysty Almatydaǵy Ortalyq qalalyq klinikalyq aýrýhanada jáne Jedel meditsinalyq kómek aýrýhanasynda meiirger bolyp bastadym, sondyqtan táýligine 24 saǵat kezekshilikke túskende tózim men shydamdylyqtyń asa qajet ekenin men óz tájiribemnen jaqsy bilemin: túrli protsedýra jasaisyń, naýqastarǵa dári egý, jan saqtaý bólmesindegi jaǵdaiy aýyr patsientterdi túnimen kúzetý qajet, mundaida adamda «mindetimdi sátti atqarsam» degen oi ǵana bolady.
Sizder atqaryp otyrǵan jumys - qaiyrymdylyq, meiirimdilik pen gýmanizmge negizdelgen. Bul qasietter meditsinalyq aq halat kigen árbir mamanǵa úlken jaýapkershilik júkteidi.
Álemdegi meditsina qyzmetkerleriniń jartysynan kóbi medbike jáne olar densaýlyq saqtaý júiesinde ómirlik mańyzdy qyzmet atqarady.
Kóbińiz osy mamandyqqa ábden beiimdelip aldyńyz, tipti, kómekke muqtaj adamdarǵa shynaiy qyzmet etý – ómir súrý saltyna ainaldy. Jalpy, naýqasty emdeý isinde meiirbikelerdiń eńbegi óte mańyzdy.
Medbikeler adam densaýlyǵyna qaýip tóndiretin epidemiia, pandemiiamen kúreste de aldyńǵy qatarda turdy. Búkil álemdegi medbikeler COVID-19 qasqaiyp qarsy shyqty.
Elimizdegi meiirbikeler men meiirgerlerge ministrliktiń atynan alǵys bildiremin. Óz isterińzge degen adaldyq pen patsientterge degen qaiyrymǵa, meiirimge toly qarym-qatynastaryńyz úshin kóp raqmet!
Sizderge zor densaýlyq, otbasylaryńyzǵa amandyq jáne sáttilik tileimin!" - dedi ministr áleýmettik jelidegi jazbasynda.
