Birneshe kezekshi synypqa sabaq beretin muǵalimnen koronavirýs anyqtalsa, onda mektep jabylýy múmkin. Bul týraly QR Bas memlekettik sanitar dárigeri Aijan Esmaǵambetova aitty, dep habarlaidy "Ult aqparat".
«Eger synypta bir oqýshydan koronavirýs infektsiiasy anyqtalatyn bolsa, mamandar epidemiologiialyq tekseris júrgizedi. Sol synyptyń oqýshylary, sabaq beretin muǵalimder jáne inkýbatsiialyq kezeńde tyǵyz qarym-qatynasta bolǵandar oqshaýlanady», - dedi ministr Ortalyq kommýnikatsiialar qyzmetindegi baspasóz máslihatynda BAQ ókilderiniń saýalyna orai.
Onyń aitýynsha, sodan keiin zerthanalyq tekserý júrgiziledi.
«Eger aýrý birneshe synypta nemese ártúrli synypqa sabaq bergen muǵalimderden anyqtalsa, onda aýrýdyń odan ary taralýyna jol bermeý maqsatynda mektep tolyq jabylýy múmkin», - dedi Aijan Esmaǵambetov.
