Foto: egemen.kz
2025 jyldyń basynan beri Ulttyq qor aktivteri birneshe ret kúrt azaiyp, keiin qaita tolysqan. Bul týraly Ulttyq banktiń monetarlyq sholýynda aitylǵan, dep habarlaidy Ult.kz.
Resmi derekke sáikes, 2024 jyldyń jeltoqsanynda qor kólemi 30,9 trln teńge bolǵan. Alaida 2025 jyldyń alǵashqy ailarynda aktivter tómendei bastady: qańtarda – 30,3 trln, aqpanda – 29,4 trln, naýryzda – 29,2 trln teńgege deiin túsken. Osylaisha úsh aidyń ishinde shamamen 1,7 trln teńge azaiǵan.
Kóktemnen bastap jaǵdai ózgerip, qor qaita tolysa bastaǵan. Sáýirde 29,7 trln teńge bolǵan aktivter mamyrda 30,5 trln-ge, maýsymda 31,3 trln-ge, shildede 32,7 trln-ge deiin ósken. Tamyzda 33,3 trln teńgege jetip, qyrkúiekte 34,4 trln teńgege deiin kóterilgen. Bul – sol kezeńdegi eń joǵary kórsetkish. Naýryzdaǵy eń tómen deńgeimen salystyrǵanda ósim 5,2 trln teńgeni quraǵan.
Alaida kúz ortasynda qor qaitadan azaia bastaǵan. Qazanda 33,6 trln teńge bolǵan aktivter qarashada 32,6 trln-ge, jeltoqsanda 32,3 trln teńgege deiin tómendegen. Iaǵni úsh aidyń ishinde taǵy shamamen 2,1 trln teńge kemigen.
2026 jyldyń basynda úshinshi ózgeris tirkeldi. Qańtarda qor 32,5 trln teńgege jetse, aqpanda 32,6 trln teńge boldy. Ósim bar, biraq kólemi asa úlken emes.
Osylaisha bir jyldyń ishinde Ulttyq qor birneshe ret bir stsenariidi qaitalady: aldymen azaidy, keiin qalpyna keldi, qaita tómendedi jáne taǵy da azdaǵan ósim kórsetti.
Sońǵy derek boiynsha, bir aidyń ishinde qor 112 mlrd teńgege ulǵaiǵan. Buǵan deiin aqpanda Ulttyq qordan 400 mln AQSh dollary kóleminde valiýta satylǵany habarlanǵan edi.
