Almatydaǵy Qalalyq adam urpaǵyn órbitý ortalyǵynda dárigerler sátti túrde kishi jambas jáne qursaq qýysynan júktiliktiń 39-40-shy aptadaǵy jatyr kólemindei úlken óskindi alyp tastady, dep habarlaidy ult.kz.
Operatsiianyń kúrdeliligine qaramastan, mamandar patsienttiń reprodýktivti organdaryn saqtap qaldy.
Bir jarym jyl boiy áiel qarnynyń birte-birte ulǵaiyp kele jatqanyn baiqaǵan, biraq ony salmaǵynyń artýymen dep oilaǵan. Ýaqyt óte kele ishi tysyraiyp, aýyrsynýyp, yńǵaisyzdyq jáne entigý sezimi paida bolǵan.
ÝDZ, KT jáne MRT-dan keiin dárigerler búkil ish qýysynda oryn alyp otyrǵan óskindi anyqtaidy. Patsientti onkoginekologtar tekserip, sodan soń hirýrgiialyq turǵyda aralasý sheshimi qabyldandy.
Operatsiia kezinde mamandar 7 litrge jýyq suiyqtyqty shyǵaryp, salmaǵy shamamen 3 kg mólsherindegi óskindi alyp tastady. Qosymsha qiyndyqty budan buryn jasalǵan operatsiialardyń saldarynan qalǵan dánekerler týǵyzdy. Óskin gistologiialyq zertteýge jiberildi.
Barlyq qiyndyqtarǵa qaramastan, operatsiia sátti ótti. Dárigerler eń bastysy – óskindi alyp tastap, áieldiń reprodýktivti organdaryn saqtap qalǵan.
Qazir patsient ózin qanaǵattanarlyq sezinip, statsionarda emdelip, jaqynda shyǵýǵa daiyndalýda
Bul jaǵdai dárigerge ýaqytynda barýdyń mańyzdylyǵyn eske salmaq. Ishtiń ulǵaiýy, aýyrlyq sezimi, aýyrsyný jáne demigý salmaq qosýmen únemi bailanysty emes. Mundai simptomdar paida bolǵan kezde tekserýden ótip, onyń sebebin anyqtaý qajet.
Almatyda Qalalyq adam urpaǵyn órbitý ortalyǵy zamanaýi hirýrgiialyq tásilderdi qoldana otyryp jáne múmkindiginshe patsientterdiń reprodýktivti fýnktsiiasyn saqtaýǵa umtyla otyryp, mamandandyrylǵan ginekologiialyq kómek kórsetedi.
