Foto: kazface.kz
Qazaqstanda sirek kezdesetin qyzǵaldaqtardy julý aýyr jazaǵa ákelýi múmkin. Mamandar tipti bir ǵana gúl úshin milliondaǵan aiyppul salynatynyn eskertedi, dep habarlaidy Ult.kz.
Orman sharýashylyǵy jáne janýarlar dúniesi komitetiniń málimetinshe, Qyzyl kitapqa engen ósimdikterdi tek julýǵa ǵana emes, olardy saqtaýǵa, tasymaldaýǵa jáne satýǵa da zań júzinde tyiym salynǵan.
Zańbuzýshylarǵa mynadai jaza qarastyrylǵan:
3000 AEK-ke deiin aiyppul (shamamen 13 million teńge);
túzetý jumystary;
bas bostandyǵyn shekteý;
úsh jylǵa deiin bas bostandyǵynan aiyrý.
Qazir dalada Qyzyl kitapqa engen sirek túrler — Kaýfman jáne Greig qyzǵaldaqtary gúldep tur. Sarapshylardyń aitýynsha, olardyń gúldený kezeńi nebári 2,5 aptaǵa sozylady jáne bul tabiǵi tozańdaný úshin asa mańyzdy ýaqyt.
Mamandar bir ǵana qyzǵaldaqty julý da zań buzýshylyq ekenin qatań eskertedi.
Óńirlerde demalýshylarǵa túsindirý jumystary kúsheitilip, arnaiy tekserýler júrgizilýde. Inspektorlar turǵyndardy tabiǵatty qorǵap, sirek ósimdikterge ziian keltirmeýge shaqyrady.
