Halyqtyń áleýmettik osal toptaryna bólinetin bilim granttarynyń sany kóbeitildi. Bul týraly Ǵylym jáne joǵary bilim ministriliginiń baspasóz qyzmetinen málim boldy, dep habarlaidy QazAqparat.
«Kámeletke tolmaǵan tórt jáne odan kóp bala tárbielep otyrǵan otbasylardaǵy balalar úshin granttardyń jalpy sanynyń 5 paiyzy qarastyrylǵan.
Keminde úsh jyl tolyq emes otbasy mártebesi bar otbasylardan shyqqan balalarǵa - 1 paiyzy, sondai-aq I, II toptaǵy múgedek balalardy tárbielep otyrǵan otbasylardan shyqqan túlekterge bilim berý granttarynyń 1 paiyzy kózdelgen», - delingen ministrlik málimetinde.
Sonymen qatar aýyl jastary arasynan shyqqan azamattar úshin aýyldardyń áleýmettik-ekonomikalyq damýyn aiqyndaityn mamandyqtarǵa jáne Qazaqstan azamattary bolyp sanalmaityn ulty qazaq adamdarǵa kvota qarastyrylǵan.
«Jetim balalar jáne ata-anasynyń qamqorlyǵynsyz qalǵan balalar men I, II toptaǵy múgedektigi barlar, bala kezinen múgedekter, múgedek balalar arasynan shyqqan azamattar úshin kvota granttar sanynyń 1 paiyzyn quraidy», - delingen habarlamasynda.
