Sharyn shatqalynda bolǵan qaiǵyly oqiǵa kezinde onda Almaty qalasyndaǵy №199 gimnaziianyń 8 oqýshysy bolǵan, dep habarlaidy qalalyq bilim basqarmasynan.
«Aǵymdaǵy jyldyń 29 mamyrynda Sharyn shatqalynda qaiǵyly oqiǵa boldy. Ókinishke orai, ekskýrsiiaǵa barǵandardyń arasynda Almaty qalasyndaǵy №199 gimnaziianyń 8 oqýshysy bolǵan. Olarmen birge oqýshylardyń 5 ata-ana jáne 3 muǵalim boldy. Oqiǵa saldarynan bir oqýshy jáne pán muǵalimi qaitys bolǵan. Oqiǵa ornynda bolǵan taǵy bir oqýshy izdestirilip, ol tabyldy jáne aýrýhanaǵa jiberildi» delingen habarlamada.
Málimetke sai, balalar men zardap shekkenderge qajetti meditsinalyq jáne psihologiialyq kómek kórsetilýde. Ekskýrsiia kanikýl ýaqytynda bolǵandyqtan mektep ákimshiligimen kelisilmegen.
«Bilim basqarmasy oqiǵanyń mán-jaiyn tolyq zertteýde. Qaitys bolǵandardyń otbasylaryna kóńil aitamyz jáne zardap shekkenderdiń tezirek saýyǵýyn tileimiz. Qurmetti ata-analar, sizderge kanikýl kezeńinde qaýipsizdik sharalaryn saqtaý qajettigin eske salamyz!» dep túiindelgen habarlama.
