Epidemiolog mamandar "Mańǵystaý atom energetikalyq kombinaty" JShS ujymymen kezdesip, vaktsinatsiiaǵa qatysty qyzmetkerlerdiń suraqtaryna jaýap berip, túsindirý jumystaryn júrgizdi, dep habarlaidy Baq.kz agenttigi.
Meditsina ǵylymdarynyń kandidaty, epidemiolog Ainagúl Qýatbaeva men Asfendiiarov atyndaǵy Qazaq ulttyq meditsinalyq ýniversitetiniń juqpaly jáne tropikalyq aýrýlar kafedrasynyń dotsenti Ainur Sadyqova eńbek ujymyna koronavirýs infektsiiasy men vaktsinatsiiaǵa qatysty barlyq suraqqa jaýap berdi.
Ainagúl Qýatbaevanyń aitýynsha, búginde elimizde koronavirýs indetin juqtyrǵan 4 myńnan astam adam tirkelip jatyr.
Álem boiynsha vaktsina biregei sebeptermen ázirlenetinin atap ótý kerek. Epidemiologiialyq ahýal men ólim-jitimge alyp keletin indet vaktsina ázirleýge májbúrleýi múmkin. Búginde adamzatqa janýarlar áleminen engen virýstyń adamnan adamǵa juǵý áleýeti joǵary bolǵandyqtan, ázirlengen vaktsinalardyń úshinshi klinikalyq zertteýi aiaqtalmai jatyp, paidalanýǵa enýin DDSU maquldady. Sebebi bul indet epidemiia emes, pandemiiaǵa ainaldy, - dedi epidemiolog.
Onyń aitýynsha, qazir Qazaqstanda 4 vaktsina alýǵa tańdaý bar.
Alaida keibir vaktsinalardyń qory men sanynyń azaiýyna bailanysty óńirde vaktsina dozasy az bolýy ábden múmkin. Kezdesýdi tiimdi ótkizý úshin suraq-jaýap formatynda ótkizýdi jón kórip otyrmyz, - dedi ol.
Óz kezeginde Ainur Sadyqova úndi shtamynyń klinikalyq kórinisteri ózgeshe ekenin aitty.
Bul aýrý infektsiialyq-toksikalyq shokqa alyp kelip jatyr. Aldyńǵy hattamada jazylǵan koronavirýs kezeńderin bólip jasaǵanbyz. Qazirgi aýrýdyń kezeńderi múldem jyldam damyp, infektsiialyq shokqa ákelip jatyr. Sondyqtan aýyryp em izdegenshe, onyń aldyn alý áldeqaida durys dep oilaimyz, - dedi ol.
Qyzmetkerlerdiń ishinde vaktsinanyń eki komponentin saldyrǵandar da barshylyq.
Mysaly, Eńbekti qorǵaý qyzmetiniń basshysy Shańytbai Esenǵaliev kóktemde vaktsina alǵan.
Ol ekpe alsa da, mamandardyń pikirin tyńdaýǵa kelgenin aitady.
Epidemiolog mamandar qarapaiym tilmen túsindirip jatyr. Ótken jyldaǵy jaǵdai qaitalanbas úshin vaktsina alý kerek dep oilaimyn. Bizdiń mekemede myńnan astam adam vaktsina aldy. Taǵy myńnan astam qyzmetker osy aida alady dep josparlap otyrmyz. Kelisip otyr. Qalǵandaryna túsindirý jumystary júrgizilip jatyr. Qazir ashyq derekkózderde de kóp paidaly aqparat bar. Sondyqtan adam ózi men jaqyndarynyń densaýlyǵyn saqtaǵysy kelse, ekpe alýy kerek. Barlyq turǵyndy osyǵan shaqyramyn, - dedi Esenǵaliev.
