Aqparat jáne qoǵamdyq damý ministri Aida Balaeva tanymal qazaqstandyq jýrnalist, telejúrgizýshi, qoǵam qairatkeri Beisen Quranbek atyndaǵy «Jiger» - 2021 syilyǵynyń iegerlerin marapattaý rásimine qatysty, dep habarlaidy "Ult aqparat".
Ministr baiqaýdyń negizgi maqsaty – talantty jýrnalist, qoǵam qairatkeri, Qazaqstan Respýblikasy Prezidenti syilyǵynyń laýreaty Beisen Quranbektiń esimin el jadynda óshirmeý, murasyn saqtap qalý ekendigin atap ótti.
«Jýrnalistika salasyndaǵy barlyq jigerli jastarǵa Beisen Quranbektiń ómiri jastarǵa jiger bersin degen maqsatpen osy baiqaýdy uiymdastyrǵan bolatynbyz», — dedi Aida Balaeva.
Is – shara «Astana Media week-2021» aiasynda Nur-Sultanda ótkizildi.
Marapattar Beisen Quranbektiń jýrnalistik qyzmettegi printsipterin barynsha tolyq kórsetetin jumystardyń avtorlaryna tabys etildi.
«Jiger» baiqaýynyń «Áleýmettik taqyryptaǵy úzdik baǵdarlama» nominatsiiasy boiynsha jeńimpazdary:
I oryn - Sániia Baitarova, «Jetisý» telearnasynyń redaktory («Arnaiy habar» «Merýerttiń muńy» shyǵarylymy);
II oryn - Erlan Muqanov, «Aqtóbe» telearnasynyń redaktory («Jiger» baǵdarlamasy);
III oryn - Indira Bektenova, «Qazsport» telearnasynyń bas redaktory («Álemdi moiyndatqan Shardara» baǵdarlamasy).
Baiqaý jeńimpazdary diplom, «Jiger» estelik músinshesiniń jáne qarjylai syiaqy iegerleri atandy:
I oryn iegeri – 1 000 000 teńge;
II oryn – 500 000 teńge;
III oryn úshin – 300 000 teńge.
Jeńimpazdar esimi mediasala kásibi mamandarynan, qoǵam qairatkerleri men Beisen Quranbektiń seriktesterinen quralǵan qazylar alqasy músheleriniń daýys berý qorytyndysy boiynsha anyqtaldy.
Qazylar alqasynyń quramynda jýrnalist, pýblitsist Qainar Oljai, tanymal jýrnalist Arman Sqabyluly, «Habar 24» telearnasynyń shef-redaktory Andrei Tarakov, jýrnalist, «Qareket» baǵdarlamasynyń prodiýseri Áliia Qudaibergen, jýrnalist, «Jetisý» telearnasynyń direktory Serik Sarybai boldy.
«Jiger» syilyǵy Qazaqstan Respýblikasy Aqparat jáne qoǵamdyq damý ministrligimen «Media Damytý qory» Korporativtik qorymen yntymaqtastyqta ótkizildi.
