Beinejazbany qaraý kezinde túlektiń tyiym salynǵan zatty paidalanǵany anyqtalsa, UBT nátijesi joiylady. Bul týraly Úkimet otyrysynda QR Bilim jáne ǵylym ministri Ashat Aimaǵambetov aitty, - dep habarlaidy QazAqparat.
«Beinejazbany qaraý kezinde talapkerlerdiń tyiym salynǵan zattardy paidalanǵany anyqtalsa, onda UBT nátijesi, sonymen qatar bilim berý granty joiylady. Buǵan qosa, taǵy da jańashyldyqtar bar. Test tapsyrýshylarǵa qarapaiym kalkýliator beriletin bolady jáne testileý ýaqyty 3 saǵat 50 minýttan 4 saǵatqa deiin uzartyldy. Talapkerler UBT-ǵa jaqsy daiyndalýy úshin biz olarǵa aqysyz ortalyqtyń saitynda 70 nusqa testterin aldyn ala bergen bolatynbyz. Túlekter emin-erkin osy synama testilerdi tapsyrý múmkindigine ie boldy jáne tapsyrdy dep aita alamyz», - dedi ministr.
Onyń atap ótýinshe, buǵan qosa biylǵy tilekter mektepte tapsyratyn qorytyndy emtihandardan mamyr aiynyń sońynda bosatyldy.
«Osy sharalardyń barlyǵy túlekter úshin úlken qoldaý ekeni sózsiz», - dedi ol.
