Mańǵystaý oblysynyń Beineý aýdanyna qarasty Tólep aýylynyń turǵyny Toigúl Amanqosqyzy nátijeli jumyspen qamtý jáne jappai kásipkerlikti damytý baǵdarlamasy aiasynda 10 bas jylqy satyp aldy, dep habarlaidy "Ult aqparat".
Beineý aýdany ákimdiginiń baspasóz qyzmeti habarlaýynsha, áiel balalaryn eńbekke baýlyp, ata kásipti jalǵastyrýdy maqsat etken otbasy kásibiniń násibin kórip otyr.
«Jyl basynda memleket tarapynan usynylǵan baǵdarlamalardyń bar ekenin estidim. Sóitip mal sharýashylyǵyn damytý úshin 2017-2021 jyldarǵa arnalǵan «Eńbek» baǵdarlamasy aiasynda 4 paiyzdyq nesiege 10 bas jylqy aldym. Joldasym temir jol salasynda qyzmet etedi. Mektep jasyndaǵy 6 ulym bar. Olar qoldary bos ýaqytta jylqylardy sýaryp, jem-shópterin berip, baptaidy. Qazir jylqynyń sany 17-ge jetti», - deidi Toigúl Amanqosqyzy.
Mal sharýashylyǵyn qolǵa alǵan otbasy aldaǵy ýaqytta jylqynyń tabiǵi ónimderin aýyl turǵyndaryna usynýdy josparlap otyr.
